රනිල්ගේ නඩුවට පෙනී නොසිටි සැකකරුවන්ට වරෙන්තු
Dilasha
පසුගිය 2022 වසරේ ජුලි මස 9 වනදා හිටපු ජනාධිපති රනිල් වික්‍රමසිංහගේ පෞද්ගලික නිවසට ගිනි තැබීමේ සිද්ධියට අදාළ නඩුව අධිකරණය හමුවේ කැඳවන අවස්ථාවේ සැකකරුවන් සිව් දෙනෙකු අධිකරණයේ පෙනී නොසිටීම හේතුවෙන් කොටුව මහේස්ත්‍රාත් නිලුපුලී ලංකාපුර වරෙන්තු නිකුත් කර තිබේ.
මෙම නඩුවේ සැකකරුවෙක් ලෙස නියෝජ්‍ය ඇමති එරංග ගුණසේකර නම් කර ඇති අතර එතුමා අසනීප තත්ත්වයෙන් පසු වන බව නීතීඥවරයා අධිකරණයට දැනුම් දී තිබේ.
මෙම නඩුවේ සැකකරුවෙක් වන ජේ.ශ්‍රී රංගා, ඇන්ඩෘ ඉවෝන් පෙරේරා, කළුතර පදිංචි රයිගම් බණ්ඩාරගේ මංජු වෙත්තමුණි ෂෙරින් වික්‍රමසිංහ,දිල්රුක් මදුෂංක, අශාන් සංදීප, අන්වර් අලී, කෝරළගේ ඉන්දික ප්‍රසාද් ඇතුළු සැකකරුවන් පිරිසක් විවෘත අධිකරණයේ පෙනී සිටි බවද වාර්තා වේ.
සිද්ධිය සම්බන්ධයෙන් තවත් සැකකරුවන් පිරිසක් මුදා හැර ඇති බවත් අපරාධ පරීක්ෂණ දෙපාර්තමේන්තුව අධිකරණයට දන්වා ඇති බව වාර්තා වේ.
