පියා විභාග දෙපාර්තුමේන්තුවේ - පුතා විභාගයෙන් ප්රථම ස්ථානය - ආන්දෝලනාත්මක ප්රකාශයක් හෙළිකළ මන්ත්රී රෝහිණි
විභාග දෙපාර්තමේන්තුවේ රහස් අංශයේ සේවය කළ නියෝජ්ය කොමසාරිස්වරයෙකුගේ පුත්රයෙකු, නීතිපති දෙපාර්තමේන්තුව විසින් පවත්වන ලද විභාගයකින් ප්රථම ස්ථානය දිනාගෙන ඇති බව මාතලේ දිස්ත්රික් විපක්ෂ (සමගි ජන බලවේගය) පාර්ලිමේන්තු මන්ත්රී රෝහිණී කුමාරි විජේරත්න මහත්මිය පැවසුවාය.
ඇය මේ බව ප්රකාශ කළේ පෙරේදා (16) අයවැය දෙවන වර කියවීමේ විවාදය අතරතුරදීය. මේ පිළිබඳව වැඩිදුරටත් අදහස් දක්වමින් ඇය මෙසේ පැවසුවාය,
"විභාග දෙපාර්තමේන්තුව විසින් පවත්වන ලද විභාගයක ප්රතිඵල නිකුත් වී තිබේ. එහිදී, විභාග දෙපාර්තමේන්තුවේ රහස් අංශයේ සේවය කළ හිටපු නියෝජ්ය කොමසාරිස්වරයෙකුගේ පුත්රයෙකු ප්රථම ස්ථානය දිනාගෙන ඇත. සදාචාරාත්මකව බලන කල, එම නිලධාරියා මීට පෙර සිය තනතුරෙන් ඉල්ලා අස්විය යුතුව තිබුණි. කෙසේ වෙතත්, ඔහු සිය තනතුරෙන් ඉල්ලා අස්වන්නේ ජූලි 15 වැනිදාය. මෙම විභාගය පැවැත්වුණේ අගෝස්තු 2 වැනිදාය. ප්රශ්න පත්ර සකස් කර ඇත්තේ ඔහු ඉල්ලා අස්වීමට පෙරය. ඒවා වෙත පූර්ණ ප්රවේශය ඔහුට තිබුණි. ඔහු සියලු රාජකාරි කටයුතු අවසන් කිරීමෙන් පසුව පමණක් ඉල්ලා අස්වී ඇත. අල්ලස් හෝ දූෂණ චෝදනා විමර්ශන කොමිෂන් සභාව මේ පිළිබඳව පරීක්ෂණයක් පැවැත්විය යුතුය. එසේම, සංවර්ධන නිලධාරීන් පුහුණු කිරීම් සිදු කළද, ඔවුන්ව නොසලකා හැරීමක් සිදුවේ. මෙයද මහජන මුදල් අවභාවිත කිරීමක් හා සමාන වේ. අල්ලස් හෝ දූෂණ චෝදනා විමර්ශන කොමිෂන් සභාව මෙම ගැටලු කෙරෙහි අවධානය යොමු කළ යුතුය."