ලංකාවට ඉදිරියේදී එන භයානක සෞඛ්ය අවදානම ගැන අගමැතිනි කට අරී
ශ්රී ලංකාවේ මහජන සෞඛ්ය ක්ෂේත්රයේ ප්රමුඛතම ජාතික පුහුණු ආයතනයක් වන කළුතර ජාතික සෞඛ්ය විද්යා ආයතනය (NIHS) සිය ශත සංවත්සරය (1926–2026) සමරමින් ඓතිහාසික සම්මේලනයක් ඊයේ (01) ආයතන ශ්රවණාගාරයේදී ආරම්භ කෙරිණි.
මෙම අවස්ථාවට ප්රධාන ආරාධිත අමුත්තිය ලෙස සහභාගී වූ අග්රාමාත්ය ආචාර්ය හරිනි අමරසූරිය මහත්මිය අවධාරණය කළේ, අනාගත සෞඛ්ය අභියෝග ජය ගැනීමට නම් වෙනස්වන අවශ්යතාවන්ට අනුවර්තනය විය හැකි කුසලතාපූර්ණ සෞඛ්ය සේවක පිරිසක් බිහිකිරීම අත්යවශ්ය බවයි.
මාතෘ හා ළමා සෞඛ්ය, ප්රතිශක්තිකරණ වැඩසටහන් සහ රෝග නිවාරණය වැනි ක්ෂේත්රවල ශ්රී ලංකාව ලබා ඇති ජයග්රහණ ශක්තිමත් මහජන සෞඛ්ය ආයතන හා සෞඛ්ය වෘත්තිකයන්ගේ කැපවීම මත ගොඩනැගී ඇති බවද අග්රාමාත්යතුමිය මෙහිදී සඳහන් කළාය.
එමෙන්ම වයස්ගත වන ජනගහනය, බෝ නොවන රෝග ව්යාප්තිය සහ දේශගුණික විපර්යාස හේතුවෙන් මතුවන නව සෞඛ්ය අවදානම් ජය ගැනීම සඳහා සෞඛ්ය සේවකයන්ගේ කුසලතා නවීකරණය කිරීම කෙරෙහි වැඩි අවධානයක් යොමු කළ යුතු බවද ඇය පෙන්වා දුන්නාය.
රජය නවීන සෞඛ්ය යටිතල පහසුකම්, ප්රාථමික සෞඛ්ය සේවා සහ ඩිජිටල් තාක්ෂණය සඳහා අඛණ්ඩව ආයෝජනය කරන බවද අග්රාමාත්යවරිය මෙහිදී සඳහන් කළාය.
සම්මේලනයේදී සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා සහ සෞඛ්ය හා ජනමාධ්ය අමාත්යාංශ ලේකම් වෛද්ය අනිල් ජාසිංහ මහතා විශේෂ දේශන පැවැත්වූ අතර, “NIHS – Past, Present and Future” යන තේමාව යටතේ ප්රධාන දේශනය ආචාර්ය තුෂාර ප්රනාන්දු මහතා විසින් සිදු කෙරිණි.
මෙහිදී “NIHS – 100 Years” සමරු ග්රන්ථය එළිදැක්වීමත්, ශත සංවත්සර සමරු මුද්දරය නිකුත් කිරීමත් සිදු විය.
මෙම අවස්ථාවට පාර්ලිමේන්තු මන්ත්රී වෛද්ය නිහාල් අබේසිංහ මහතා, ආයතන අධ්යක්ෂවරයා, ලෝක සෞඛ්ය සංවිධානයේ සහ හවුල්කාර සංවිධාන නියෝජිතයින්, විද්වතුන්, සෞඛ්ය වෘත්තිකයන් සහ ආදි ශිෂ්යයන් ඇතුළු පිරිසක් සහභාගී වූහ.
![සුප්රසිද්ධ ගොඩනැගිල්ලක් උඩ කරපු විවාහ යෝජනාවේ වීඩියෝවෙන් ලෝකෙම කැළඹෙයි - කරපු දෙයින් බිමට බහින්නත් කළින්ම යුවළ අත්අඩංගුවට [VIDEO]](https://cdn.ibcstack.com/article/45bbf4bd-13ba-4796-b0da-8d7366efba3e/26-6a4623e19d263-sm.webp)
![බිහිසුණු අනතුරකින් කාන්තාවක් සහ දරුවකු ජීවිතක්ෂයට - අනතුර මැද සොරකමකුත් - සියල්ල CCTV කැමරාවක [VIDEO]](https://cdn.ibcstack.com/article/bdde013e-7859-486c-bd60-367e9e5307d2/26-6a45c52e27467-sm.webp)
![රජයේ සේවකයන්ට අවමන් සහගත ලෙස ප්රතිචාර දක්වන පාලනයක් මීට පෙර නිර්මාණය වෙලා නැහැ මේ තමයි ඒ අතින් කැතම පාලනය - විමල් ආණ්ඩුවේ පලු අරී [VIDEO]](https://cdn.ibcstack.com/article/bd3a6243-ee29-4977-9825-30559003f9e0/26-6a44b88179a0c-sm.webp)
![යට ඇදුමේ හිල් කිවුව ඇමතිට අද කෝටි ගාණක වත්කම්.. සුපිරි ගෙවල් දෙකක් හදලා දෙපැත්තේ ඉඩම් දෙකත් දුවගේ නමට අරන් - රාජිතගෙන් බරපතළ චෝදනා [VIDEO]](https://cdn.ibcstack.com/article/9db2a9dc-4831-47e5-b690-4ebb545815ae/26-6a4468f5bce9a-sm.webp)
![මහින්ද රාජපක්ෂ නම නිසා පාසලක්ම අනතුරේ - සියලුම සිසුන් සාමාන්ය පෙළ සමත් වුවත් දැඩි අපහසුතාවක - බන්ධුල කට අරී [VIDEO]](https://cdn.ibcstack.com/article/cda128a6-5a74-4279-b007-59a356177685/26-6a434c441d925-sm.webp)
