මුස්ලිම් ජාතික හෙදියන් වෙනුවෙන් නිල ඇඳුම වෙනස් කරන්න රජය තීරණය කර නෑ - සෞඛ්‍ය ඇමති කියයි

අද (20) පාර්ලිමේන්තුවේදී සෞඛ්‍ය හා ජනමාධ්‍ය ඇමති වෛද්‍ය නලින්ද ජයතිස්ස මහතා ප්‍රකාශ කළේ, මුස්ලිම් හෙද නිලධාරිනියන් වෙනුවෙන් නිල ඇඳුම වෙනස් කිරීම සඳහා රජය මේ වන තෙක් කිසිදු තීරණයක් ගෙන නොමැති බවයි.

මන්ත්‍රී එච්.එම්.ඒ.එම්. හිස්බුල්ලා මහතා නැගූ ප්‍රශ්නයකට පිළිතුරු දෙමින් ඇමතිවරයා කියා සිටියේ, 1992 අගෝස්තු 07 වැනිදා එතුමා විසින් පාර්ලිමේන්තුවට ඉදිරිපත් කළ බව කියන පෞද්ගලික මන්ත්‍රී යෝජනාවකට අනුමැතිය ලැබුණු බවට ප්‍රකාශ ඇතත්, එවැනි අනුමැතියක් සහිත කිසිදු ලේඛනයක් සෞඛ්‍ය අමාත්‍යාංශය සතුව නොමැති බවයි.

“අවුරුදු 33ක් ගත වුණා. ඒ අතර රජයන් කීපයක් බලයට ආවා. විපක්ෂ නායකතුමාත් සෞඛ්‍ය නියෝජ්‍ය ඇමතිවරයෙක් විදියටත්, සෞඛ්‍ය ඇමතිවරු ගණනාවක්ම සිටියා. ඒත් මේ යෝජනාව ක්‍රියාත්මක වුණා යැයි කිසිදු සාක්ෂියක් නැහැ”

යැයි ඇමතිවරයා අවධාරණය කළේය.

කරාපිටියේ ප්‍රතිකාර ලබමින් සිටි අයගේ සිරුර රෝහලේ ගේට්ටුව ආ හැටි

ඇමතිවරයා පෙන්වා දුන්නේ, රජයේ සෞඛ්‍ය සේවය තුළ නිල ඇඳුම් වෙනස් කිරීම සිදුකළ යුත්තේ සෞඛ්‍ය සේවා අධ්‍යක්ෂ ජනරාල්වරයාගේ සභාපතිත්වයෙන් යුත් නිල ඇඳුම් කමිටුව මගින් පමණක් බවත්, එම කමිටුවට මුස්ලිම් හෙද නිලධාරිනියන්ගේ ඇඳුම සම්බන්ධයෙන් විධිමත් යෝජනාවක් මෙතෙක් ලැබී නැති බවත්ය.

“යම් කෙනෙකුට හෝ වෘත්තීය සංගමකට මෙම ඇඳුම වෙනස් කළ යුතු යැයි අදහසක් තිබේ නම්, එය නිල ඇඳුම් කමිටුවට යොමු කරන්න පුළුවන්. එතැන් සිට එය සලකා බලනු ලැබෙයි”

යැයි ද ඇමති නලින්ද ජයතිස්ස මහතා පැවසීය.

පැලවත්තේ ලේකම්තුමාටත් ආරක්ෂාව දෙනවා නම් ඇයි විපක්ෂයේ මන්ත්‍රීවරුන්ට ආරක්ෂාව දෙන්නේ නැත්තේ - හර්ෂණ

මේ අතර, පෞද්ගලික රෝහල්වල හෙද නිලධාරිනියන්ගේ ඇඳුම් පිළිබඳ තීරණ ගැනීමට සෞඛ්‍ය අමාත්‍යාංශයේ නිල ඇඳුම් කමිටුවට අයිතියක් නොමැති බවත් ඇමතිවරයා සඳහන් කළේය.