නීතිපති කරන කියන දේ දැනගන්න මාලිමා ආණ්ඩුවෙන් අලුත් නීතියක්.
Wayomi
නීතිපතිවරයා යම් නඩුවක් ඉල්ලා අස්කර ගන්නේ නම් අගතියට පත්වූ පාර්ශ්වයට ඊට හේතුව දැනුම් දිය යුතු බවට වූ නීති සංශෝධනයක් ජාතික ජන බලවේග ආණ්ඩුව යටතේ සිදුකරන බව ජාතික ජන බලවේගයේ විධායක කමිටු සාමාජික ජනාධිපති නීතිඥ උපුල් කුමරප්පෙරුම ප්‍රකාශ කළා.
ඔහු කියා සිටියේ, ජාතික ජන බලවේගය ප්‍රතිපත්ති ප්‍රකාශනයේ මෙම කරුණ සඳහන්ව ඇති බවයි.
නීතිපතිවරයා යනු රාජ්‍ය පාලනයෙන් කොටසක් යැයි කී ඔහු ඒ අනුව නීතිපතිවරයා මහ ජනයාට පිළිතුරු දීම රාජ්‍ය පාලනයේ වගවීමේ කොටසක් බවත් අවධාරණය කරනු ලැබුවා.
ජනාධිපති නීතිඥවරයා කියා සිටියේ, සමාජයීය වශයෙන් ඉහළ අවධානයක් යොමු වූ ලසන්ත වික්‍රමතුංග ඝාතන විමර්ශනය වැනි සිදුවීමකදී එහි විත්තිකරුවන් නිදහස් කිරීම ගැන රටට කරුණු පැහැදිලි කිරීමට නීතිපතිවරයාට යුතුකමක් ඇති බවයි.
එමෙන්ම නීතිපති දෙපාර්තමේන්තුව වැනි ආයතනවල විශ්වසනීයත්වය බිඳ වැටෙන්නේ එවැනි අවස්ථාවල මුනිවත රකින ප්‍රතිපත්තියෙන් යැයි කුමරප්පෙරුම මහතා සඳහන් කළා.
You may like this video
