මීගමුව බන්ධනාගාර ගැටුමින් තවත් නිලධාරීන් දෙදෙනෙකු මරුට - ඒ අනුව මියගිය ගණන 31ක් දක්වා ඉහළට

මීගමුව බන්ධනාගාරයේ ඇති වූ දරුණු ගැටුමෙන් තුවාල ලබා කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලබමින් සිටි තවත් බන්ධනාගාර නිලධාරීන් දෙදෙනෙකු අවාසනාවන්ත ලෙස ජීවිතක්ෂයට පත්ව ඇතැයි පොලීසිය පවසයි.

ඒ අනුව, ඊයේ (13) සහ අද (14) අලුයම මෙලෙස මියගොස් ඇත්තේ 25 හැවිරිදි සහ 39 හැවිරිදි වියේ පසුවූ බන්ධනාගාර නිලධාරීන් දෙදෙනෙකි.

මෙම නවතම මරණ වාර්තා වීමත් සමඟ මීගමුව බන්ධනාගාර ගැටුමෙන් ජීවිතක්ෂයට පත් වූ සමස්ත බන්ධනාගාර නිලධාරීන් සංඛ්‍යාව දසදෙනෙකු (10) දක්වා ඉහළ ගොස් තිබේ.

අද දවස සුබ කරගන්න දවස පටන් ගන්න කලින් ඔබේ ලග්නයේ සුබ අසුබ මෙන්න

පසුගිය ජුලි මස 5 සහ 6 යන දෙදින පුරා බන්ධනාගාරය තුළ ක්‍රියාත්මක වූ මෙම ප්‍රචණ්ඩකාරී ගැටුම හේතුවෙන් බන්ධනාගාර රැඳවියන් 21 දෙනෙකු ද මියගිය බව පොලීසිය මීට පෙර තහවුරු කළේය.

කෙසේ වෙතත්, අදාළ ගැටුම්කාරී සිදුවීමෙන් බරපතළ ලෙස තුවාල ලැබූ තවත් බන්ධනාගාර රැඳවියන් සහ නිලධාරීන් පිරිසක් මේ වන විටත් කොළඹ ජාතික රෝහලේ සහ මීගමුව මූලික රෝහලේ නේවාසිකව ප්‍රතිකාර ලබමින් පසුවන බව ද සෞඛ්‍ය අංශ සඳහන් කරයි.

දිවයිනේ බොහෝ ප්‍රදේශවලට වියළි කාලගුණයක් සමඟ අද මේ ප්‍රදේශවලට තද සුළං