අද දවස සුබ කරගන්න දවස පටන් ගන්න කලින් ඔබේ ලග්නයේ සුබ අසුබ මෙන්න

 මේෂ - ඉතා ශුභයි

ලග්නයෙන් තුන්වැන්නේ සඳු ගෝචරය වන අද දින, ආර්ථික තත්ත්වය ඉතා යහපත් අතට හැරෙන අතර අලුත් ආදායම් මාර්ග උදා වීමට මග පෑදේ. ව්‍යාපාරික කටයුතු වල නිරත වන්නන්ට අද දිනය තුළ සුවිශේෂී ලාභාංශ අත්පත් කරගැනීමට අවස්ථාව හිමිවනු ඇත. ණය බරින් නිදහස් වීමට හැකිය.

වෘෂභ - ප්‍රවේශම් වන්න

ලග්නයෙන් දෙවැන්නේ සඳු ගෝචරය වන අද දින, රැකියා ස්ථානයේ ප්‍රධානීන් සමඟ හෝ සහාය සේවකයන් සමඟ වාද විවාද වලට පැටලීමෙන් වළකින්න. ඔබගේ සුළු අතපසුවීමක් විශාල වරදක් ලෙස පෙන්වා දීමට අන් අය උත්සාහ කළ හැක. ඉවසීම ප්‍රගුණ කිරීමෙන් පමණක් ගැටළු මගහරවා ගත හැකිය.

හදිසි තත්ත්වයක් - යේමනය රට පුරා සියලුම ගුවන්තොටුපළ වසා දමයි

මිථුන - මිශ්‍රයි

ලග්නයෙන් පළමුවැන්නේ සඳු ගෝචරය වන අද දින, රැකියා ස්ථානයේ සුපුරුදු පරිදි රාජකාරි කරගෙන යාමට හැකි වුවත්, හිතට දැනෙන යම් කලකිරීමක් මතුවිය හැක. අන් අය සමඟ කතාබහ කිරීමේදී වචන භාවිතය පිළිබඳව සැලකිලිමත් වන්න. බාහිර අලංකරණ කටයුතු වලට මුදල් වැය කරයි.

කටක -  ප්‍රවේශම් වන්න

ලග්නයෙන් දොළොස්වැන්නේ සඳු ගෝචරය වන අද දින, අන් අයගේ පෞද්ගලික ප්‍රශ්න වලට හෝ රණ්ඩු දබර වලට කිසිසේත්ම මැදිහත් නොවන්න. එසේ වීමෙන් අන්තිමේදී ඔබට නිරපරාදේ පාඩුවක් හෝ සමාජයේ අපකීර්තියක් සිදුවිය හැක. තමාගේ පාඩුවේ හුදකලාව සහ නිශ්ශබ්දව රාජකාරි කිරීම අද දිනට වඩාත් යහපත්ය.

සිංහ - ඉතා ශුභයි

ලග්නයෙන් එකොළොස්වැන්නේ සඳු ගෝචරය වන අද දින, ප්‍රේම සම්බන්ධතා වලට සහ විවාහ අපේක්ෂිතයින්ට අද දිනය ඉතාමත් ශුභදායක වේ. දෙපාර්ශවයේ කැමැත්ත මත මංගල කටයුතු සාර්ථකව සැලසුම් කරගත හැක. නිවසේ පවුලේ අය අතර සමගිය වර්ධනය වී අන්‍යෝන්‍ය අවබෝධය තහවුරු වනු ඇත.

කන්‍යා - ශුභයි ලග්නයෙන්

දහවැන්නේ සඳු ගෝචරය වන අද දින, වෙළඳ ව්‍යාපාර වල නිරත වන්නන්ට අද දිනය තුළ ඉහළ ලාභයක් හිමිවන අතර, අලුත් පාරිභෝගිකයන් ආකර්ෂණය කරගැනීමට හැකිවේ. තමාගේ ව්‍යාපාරික නාමය සමාජයේ ප්‍රචලිත කිරීමටත්, ව්‍යාපාරය තවදුරටත් පුළුල් කිරීම ගැන සැලසුම් කිරීමටත් මෙය ඉතා සුබ දවසකි.

තුලා - මිශ්‍රයි ලග්නයෙන්

නවවැන්නේ සඳු ගෝචරය වන අද දින, උසස් අධ්‍යාපන කටයුතු වල හෝ පර්යේෂණ වල නිරත වන්නන්ට අද දිනයේදී යම් යම් බාධා සහ ප්‍රමාදයන් මතු විය හැක. නියමිත ඉලක්ක සපුරා ගැනීම සඳහා සාමාන්‍ය ප්‍රමාණයට වඩා වැඩි කැපවීමකින් සහ දැඩි උත්සාහයකින් කටයුතු කිරීමට සිදුවේ.

වෘශ්චික - ඉතා ප්‍රවේශම් වන්න

ලග්නයෙන් අටවැන්නේ සඳු ගෝචරය වන අද දින, ඔබ මීට පෙර සුව කරගත් පැරණි රෝගාබාධ යළිත් වරක් මතු විය හැකි අවදානම් සහිත දිනයකි. විශේෂයෙන්ම රුධිර දෝෂ, අධි රුධිර පීඩනය හෝ උෂ්ණාධික රෝග ලක්ෂණ ගැන දැඩිව සැලකිලිමත් වන්න. වෛද්‍ය උපදෙස් නොසලකා හැරීම භයානක විය හැක.

 ධනු - ශුභයි ලග්නයෙන්

හත්වැන්නේ සඳු ගෝචරය වන අද දින, අවිවාහක අයට තම සිතට ගැළපෙන සුදුසු සහකරුවෙකු හෝ සහකාරියක මුණගැසීමේ වාසනාව පවතී. දැනට පවතින මංගල යෝජනා හෝ ප්‍රේම සබඳතා ස්ථිර වීම සඳහා දෙපාර්ශවයේම වැඩිහිටියන්ගේ ආශිර්වාදය ලබාගැනීමට අද දවස ඉතා සුබදායකය. 

මකර - ඉතා ශුභයි

ලග්නයෙන් හයවැන්නේ සඳු ගෝචරය වන අද දින, රැකියා ස්ථානයේ පැවති සියලු බාධාවන් ඉවත්ව ගොස් සුමටව රාජකාරි කරගෙන යාමට හැකිවේ. සහාය සේවකයන්ගෙන් මෙන්ම ප්‍රධානීන්ගෙන් ද ඔබට නොමඳ සහයෝගයක් ලැබෙන අතර, අලුත් වගකීම් පවා නිර්භීතව භාරගැනීමට හැකියාව ලැබේ.

කුම්භ - මිශ්‍රයි ලග්නයෙන්'

පස්වැන්නේ සඳු ගෝචරය වන අද දින, අධ්‍යාපන කටයුතු වල නිරත වන්නන්ට අද දිනයේදී තම ඉලක්ක කරා යාම සඳහා දැඩි වෙහෙසක් දැරීමට සිදුවේ. පාඩම් වැඩ කෙරෙහි අවධානය යොමු කිරීම අපහසු විය හැකි බැවින්, පරිසරය වෙනස් කර හෝ විවේක ගනිමින් නැවත පාඩම් වලට යොමු වන්න.

දිවයිනේ බොහෝ ප්‍රදේශවලට වියළි කාලගුණයක් සමඟ අද මේ ප්‍රදේශවලට තද සුළං

මීන - ප්‍රවේශම් වන්න

ලග්නයෙන් හතරවැන්නේ සඳු ගෝචරය වන අද දින, හිතේ නොසන්සුන් බවක්, මානසික පීඩනයක් හෝ නිරර්ථක කනස්සල්ලක් පැවතිය හැකි දිනයකි. කටයුතු වලට නිසි අවධානය යොමු කිරීම අපහසු විය හැක. ආගමික වතාවත් වල නිරත වීමෙන් මනසට යම් සහනයක් සහ සන්සුන් බවක් ලබාගැනීමට උත්සාහ කරන්න.