ෆේස්බුක් පණිවිඩයක් සමඟ අතුරුදන් වූ මාධ්‍යවේදිනියගේ අභිරහස් මරණය. - සිරුර හමු වූ තැන මෙන්න. (VIDEO/PHOTOS)
Wayomi
බංග්ලාදේශයේ රූපවාහිනී නාලිකාවක මාධ්‍යවේදිනියක්වන සාරා රහනුමා (32) ඩකාහි වැවක මියගොස් සිටියදී අද (28) සොයා ගෙන තිබෙනවා.
ඩකා වෛද්‍ය විද්‍යාල රෝහලේ (DMCH) පොලිස් මුරපොල භාර පොලිස් පරීක්ෂකවරයා ඇයගේ සිරුර ගොඩගත් බව පවසා ඇති අතර මෘත ශරීරය සම්බන්ධයෙන් වෛද්‍යවරයා පවසා ඇත්තේ, ඇය අලුයම 2.00ට පමණ මියගොස් ඇති බවයි.
මිය යාමට පෙර ඇය ඊයේ රාත්‍රියේ ෆේස්බුක්හි පණිවිඩයක් පළ කර තිබුණා.
"ඔබ වැනි මිතුරෙකු සිටීම සතුටක්. ඔබට සැමවිටම දෙවියන්ගේ ආශීර්වාදය ලැබේවා. ඔබ ඔබේ සියලු සිහින ඉක්මනින් ඉටු කර ගනියි කියා බලාපොරොත්තු වෙනවා. මම දන්නවා අපි එකට ගොඩක් සැලසුම් කළා. සමාවෙන්න, මට අපේ සැලසුම් ඉටු කරන්න බැහැ. ඔබේ ජීවිතයේ සෑම අංශයකටම දෙවියන් ඔබට ආශීර්වාද කරයි."
ඇය මීට පෙර සඳහන් කර ඇත්තේ, "මරණයට සමාන ජීවිතයක් ගත කරනවාට වඩා මියයාම හොඳයි." යනුවෙන්.
මේ සම්බන්ධයෙන් ඇගේ සැමියා පවසා ඇත්තේ, සිද්ධිය වූ දින සාරා රැකියාවට ගිය නමුත් එදින රාත්‍රියේ ආපසු නිවසට නොපැමිණි බවත්,සාරා ඔහුගෙන් වෙන්වීමට කලක සිට කැමැත්ත පළ කළ බවත්ය.
ඔවුන්ගේ දික්කසාදය අවසන් කිරීම සඳහා සැලසුම් කර තිබුණද, රටේ පවතින වත්මන් තත්ත්වය හේතුවෙන් ඔවුන්ට එය කිරීමට නොහැකි වූ බව ඇයගේ සැමියා වැඩිදුරටත් සඳහන් කර ඇත.
කෙසේ වෙතත්, අගමැතිනි ෂීක් හසීනාගේ පුත් සජීබ් වසේඩ් ඇයගේ මරණයට දේශපාලන මුහුණුවරක් ලබා දෙමින් සඳහන් කර ඇත්තේ, මෙය එරට ප්‍රකාශනයේ නිදහසට එල්ල වූ “තවත් ම්ලේච්ඡ ප්‍රහාරයක්” බවයි.
