වත්කම් සහ බැරකම් ප්‍රකාශ තවමත් දුන්නේ නැද්ද? අල්ලස් හෝ දූෂණ චෝදනා විමර්ශන කොමිෂන් සභාවෙන් නිවේදනයක්

අල්ලස් හෝ දූෂණ චෝදනා විමර්ශන කොමිෂන් සභාව විසින් 2026 ජුනි 30 ට පසුව, එනම් නියමිත දිනය පසුවී (2026-08-31 දක්වා) වත්කම් සහ බැරකම් ප්‍රකාශ (වාර්ෂික හෝ පශ්චාත් විශ්‍රාම ප්‍රකාශ) ඉදිරිපත් කළ තැනැත්තන්ගෙන් පරිපාලන දඩ මුදල් අයකර ගැනීමට පෙර, ඒ සඳහා හේතු දැක්වීමට අවස්ථාව ලබාදීමට තීරණය කර තිබේ.

නිවේදනයක් නිකුත් කරමින් එම කොම්ෂන් සභාව සඳහන් කළේ, දූෂණ විරෝධී පනතේ 90 වන වගන්තියට අනුව ප්‍රමාද වූ දින ගණනට අදාළව පරිපාලන දඩ මුදල අය කිරීමට නීත්‍යානුකූල හැකියාවක් ඇති බවය.

රාජ්‍ය සේවයේ විශාල වෙනසක් - රාජ්‍ය නිලධාරීන්ට හා ජනතාවට ජනපතිගෙන් නිවේදනයක් - ජනතාවට රාජ්‍ය ආයතන වලට එන්න අවශ්‍ය නැති වෙයි

අද (9) දින දන්වා ඇත්තේ එසේ වුවද අදාළ ප්‍රමාදය සම්බන්ධයෙන් යම් සාධාරණ හේතුවක් පවතින්නේ නම්, ඒ බව තහවුරු කිරීමේ ලේඛන ද සමග සැප්තැම්බර් මස 30 දිනට හෝ ඊට පෙර ලිඛිතව කොමිෂන් සභාව වෙත යොමු කරන ලෙසයි.

මෙම ලිඛිත හේතු දැක්වීමේදී ප්‍රකාශය කළ තැනැත්තාගේ ජාතික හැඳුනුම්පත් අංකය සහ දුරකථන අංකය සඳහන් කිරීම අනිවාර්ය වේ.

සැප්තැම්බර් 30 වන විටත් කිසිදු හේතු දැක්වීමක් නොලැබුණහොත්, ප්‍රමාදය පිළිබඳ දැක්වීමට සාධාරණ හේතුවක් නොමැති බව සලකා පනතේ ප්‍රතිපාදනවලට අනුව අදාළ පරිපාලන දඩ මුදල් අය කර ගැනීමට කටයුතු කරන බව අදාළ නිවේදනයේ වැඩිදුරටත් සඳහන්ය.