තර්ජන මැද, වසන්තගෙ අවසන් කටයුතු වෙන වෙලෙ සැක හිතුණ කෙනා කවුද මේ?. පොලීසියත් වහා ක්‍රියාත්මක වෙලා..
krishani
මිය ගිය වසන්ත පෙරේරාගේ දේහය තැන්පත් කර තිබූ බොරැල්ලේ පෞද්ගලික මල්ශාලාව අවට අද (13) උදෑසනත් ආරක්ෂාව තර කිරීමට කටයුතු කිරීමට ආරක්ෂක අංශ කටයුතු කළේ ය.
ඝාතනයට ලක් වූ ක්ලබ් වසන්ත නමැත්තාගේ දේහය ඊයේ (12) සිට බොරැල්ලේ පෞද්ගලික මල්ශාලාවක ප්‍රභූ අවමංගල්‍ය ශාලාවේ තැන්පත් කර තිබුණේ ය.
දේහය අදාළ මල්ශාලාවේ තැන්පත් කිරීම සම්බන්ධයෙන් අවස්ථා දෙකක දී නිර්නාමික දුරකථන ඇමතුම් මල්ශාලාවට ලැබී ඇත.
එවන් පසුබිමක මෙලෙස මල්ශාලාවේ ආරක්ෂාව තර කිරීමට ආරක්ෂක අංශ පියවර ගනු ලැබීය.
එහිදී මල්ශාලාව අවට සැකසහිත අන්දමින් හැසිරුණු පුද්ගලයෙක් බොරැල්ල පොලිසිය විසින් අත්අඩංගුවට ගැනීමට කටයුතු කළ බවට තොරතුරු වාර්තා වේ.
කෙසේ වෙතත්, ක්ලබ් වසන්ත නමැත්තාගේ දේහයට අවසන් ගෞරව දැක්වීම සඳහා ඥාතීන්, හිතවතුන්, කලාකරුවන් සහ දේශපාලන නියෝජිතයින් ඇතුළු පිරිසක් එක්ව සිටියේ ය.
එමෙන්ම, අද පස්වරුවේ ආගමික වතාවත් සිදු කෙරුනේ දේහය තැන්පත් කර තිබූ ශාලාවේ දී වේ.
අනතුරුව දේහය පිළිබඳ අවසන් කටයුතු විශේෂ පොලිස් ආරක්ෂාව මැද බොරැල්ල පොදු සුසාන භූමියේ දී සිදු කෙරිණ.
