බදුල්ල රෝහලෙන් සුබ ආරන්චියක්

බදුල්ල ශික්ෂණ රෝහලේ දැනට ඉදිකිරීම් කටයුතු අත්හිටුවා ඇති වකුගඩු ප්‍රතිකාර ඒකකය සඳහා වන ගොඩනැගිල්ලේ ඉදිකිරීම් අවසන් කර අනතුරුව යෝජිත මහාචාර්ය ඒකක ස්ථාපනය කිරීමට කැබිනට් අනුමැතිය ලැබී ඇති බව වාර්තා වේ.

එමෙන්ම ඌව - වෙල්ලස්ස විශ්ව විද්‍යාලයේ වෛද්‍ය පීඨයේ සායනික පුහුණු මධ්‍යස්ථානය ලෙස තෝරා ගනු ලැබ ඇති බදුල්ල මහ රෝහල, ශික්ෂණ රෝහලක් ලෙස උත්ශ්‍රේණිගත කොට තිබේ.

දැඩි මතභේදයට තුඩු දුන් ලොවම බලන් සිටි 15 තරගයට විශේෂ ආරක්ෂාවක් - ලංකාවටත් විශාල වගකීමක්

එම මහ රෝහලේ සායනික පුහුණු කාර්යයන් සඳහා අවශ්‍ය කරනු ලබන මහාචාර්ය ඒකක වලින් සහ ආශ්‍රිත ඉගැන්වීමේ පහසු කම් වලින් ආසන්න වශයෙන් 80%ක ප්‍රමාණයක් සපුරා ගැනීමේ අරමුණින් දැනට ඉදිකිරීම් කටයුතු අත්හිටුවා ඇති මහල් දහයකින් සමන්විත වකුගඩු ප්‍රතිකාර ඒකකයේ වැඩ කඩිනමින් නිම කිරීමට අණ කර තිබේ.

බදු නිසා මේ පනත සංශෝධනය කරයි

ඒ සඳහා වන කොන්ත්‍රාත්තුව මධ්‍යම ඉංජිනේරු සේවා (පුද්ගලික) සමාගම වෙත ප්‍රදානය කිරීම පිණිස අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍ය වශයෙන් අග්‍රාමාත්‍යවරිය සහ සෞඛ්‍ය සහ ජනමාධ්‍ය අමාත්‍යවරයා ඉදිරිපත් කළ ඒකාබද්ධ යෝජනාව අමාත්‍ය මණ්ඩලය විසින් අනුමත කර තිබෙන බවට වාර්තා වේ.