ඓතිහාසික මහනුවර ඇසළ පෙරහැර මංගල්‍යය ආරම්භයි - මින් පෙර නොවූ විශේෂිත සිදුවීමක්

ලෝකය පුරා ශ්‍රී ලාංකීය සංස්කෘතියේ උරුමය පෙන්නුම් කරන මහනුවර ශ්‍රී දළදා මාලිගාවේ අතිවිශිෂ්ට ඇසළ පෙරහැර මංගල්‍යය අද (30) රාත්‍රියේ ආරම්භ වේ.

ඒ අනුව, පෙරහැර මංගල්‍යයේ පළමු කුඹල් පෙරහැර අද රාත්‍රි 7.05ට ආරම්භ වන සුබ මොහොතේ වීථි සංචාරය සඳහා පිටත් වීමට නියමිතය.

මෙම මංගල්‍යය ආරම්භය වූයේ කප් නැඟීමෙන් පසුව සිව්මහා දේවාලවල එනම් නාථ, විෂ්ණු, කතරගම හා පත්තිනි අභ්‍යන්තර පෙරහැර පැවැත්වීමෙනි.

ඊයේ රාත්‍රියේ ඒ අභ්‍යන්තර පෙරහැරවලින් අවසන්වූ විශේෂ පෙරහැර මහා නගරයේ වීථිවල සංචාරය කළේය.

රුසියාවට අධික බලයෙන් යුත් අඩි 13ක් උස සුනාමි රළ කඩා වදී

මේ වනවිට සියලුම අවශ්‍ය කටයුතු අවසන් කර ඇති අතර, අද රාත්‍රියේදී ශ්‍රී දළදා මාළිගාවේ පළමු කුඹල් පෙරහැර විශිෂ්ට අන්දමකින් මහනුවර නගරය හරහා ගමන් කරනු ඇත.

පෙරහැර නැරඹීමට මහජනතාව විශාල සංඛ්‍යාවක් මහනුවරට පැමිණ ඇති අතර, ඔවුන්ගේ සෞඛ්‍ය ආරක්ෂාව සඳහා නගරයේ මාර්ග මත දූමායන ක්‍රියාමාර්ගද අද පෙරවරුවේදි ගත්හ.

විශේෂත්වයක් ලෙස, මෙම වසරේ පළමු කුඹල් පෙරහැර නරඹන්නට ජනතාව අලුයම සිටම දුරදිග ප්‍රදේශවලින් පැමිණ ඇත. මෙය විශේෂයෙන්ම වසර අවසන්වූ කාලවලට වඩා විශාල ජන හමුවක් ලෙස සැලකේ.

දරුණු සුනාමියට බයේ මිනිස්සු 900,000 පණ බේරගන්න අයින් වෙයි

එහෙත්, පදික වේදිකාවල ආසන මුදලට විකිණීමක් සිදුවීම නිසා, බොහෝ දෙනා මේ පිළිබඳව අසහනය පළ කරති.

අද රාත්‍රියේ පළමු කුඹල් පෙරහැර ශ්‍රී දළදා වීදිය, ඩී.එස්. සේනානායක වීදිය, පන්සල පාර, දේව වීදිය, කොළඹ වීදිය, යටිනුවර වීදිය ඔස්සේ ගමන් කර රජ වීදිය හරහා ඉහළට ගමන් කිරීමට නියමිතය.

ඇසළ පෙරහැර කාලසීමාව තුළ කුඹල් පෙරහැර පහක් අගෝස්තු 03 දක්වා පැවැත්වෙයි. පළමු රන්දෝලි පෙරහැර නම් අගෝස්තු 04 දා රාත්‍රියේදී ආරම්භ වේ.