Jaguar Land Rover අපනයනය කිරීම මාසකට නවතී!
Shehan
ටාටා සමාගම ජගුවර් ලෑන්ඩ් රෝවර් (Jaguar Land Rover) මෝටර් රථ අමෙරිකාවට අපනයනය කිරීම මාසයක කාලයකට අත්හිටුවීමට තීරණය කර ඇත.
මෙයට හේතුව වන්නේ අමෙරිකානු පරිපාලනය විදෙස් රටවලින් ආනයනය කරන මෝටර් රථ සහ අමතර කොටස්වලට සියයට 25ක බද්දක් පැනවීමට ගත් පියවරයි.
අමෙරිකානු ජනාධිපති ඩොනල්ඩ් ට්‍රම්ප් විසින් ගෝලීය වශයෙන් පනවන ලද තීරුබදු මේ වන විට ලෝකයේ වැඩි අවධානයක් ලබා ඇති මාතෘකාවකි.
ට්‍රම්ප් තම බදු ප්‍රතිපත්තිය යටතේ විදෙස් රටවලින් ආනයනය කරන මෝටර් රථ සහ අමතර කොටස්වලට සියයට 25ක බද්දක් පැනවූ අතර, එය පසුගිය 2 වැනිදා සිට ක්‍රියාත්මක විය.
මෙම තත්ත්වය මත බ්‍රිතාන්‍යයේ නිෂ්පාදිත ජගුවර් ලෑන්ඩ් රෝවර් රථ අමෙරිකාවට අපනයනය කිරීම ටාටා සමාගම විසින් තාවකාලිකව නතර කර තිබේ.
යුරෝපා සංගමයෙන් පසුව බ්‍රිතාන්‍ය මෝටර් රථවල ප්‍රධාන ඉල්ලුම්කරු වන්නේ අමෙරිකාවයි. එබැවින් ට්‍රම්ප් පරිපාලනයේ මෝටර් රථ ආනයන බදු පැනවීම බ්‍රිතාන්‍ය මෝටර් රථ කර්මාන්තයට බරපතල බලපෑමක් ඇති කරයි.
මෙම බදුවලට මුහුණදීම සම්බන්ධ තීරණයක් ගන්නා තෙක්, මාසයක කාලයකට ජගුවර් ලෑන්ඩ් රෝවර් රථ අමෙරිකාවට අපනයනය කිරීම අත්හිටුවා ඇති බව වාර්තා වේ. බ්‍රිතාන්‍යයේ මෝටර් රථ නිෂ්පාදනයෙන් වැඩි ප්‍රමාණයක් ජගුවර් ලෑන්ඩ් රෝවර් රථ වන බව වාර්තා පෙන්වා දෙයි.
මෙම සුඛෝපභෝගී රථ සඳහා අමෙරිකානු වෙළඳපොළ ඉතා වැදගත් බව සමාගමේ අදහසයි. බ්‍රිතාන්‍යය වාර්ෂිකව රේන්ජ් රෝවර් ස්පෝර්ට්ස්, ඩිෆෙන්ඩර් වැනි රථ ලක්ෂ හතරකට වැඩි ප්‍රමාණයක් අමෙරිකාවට අපනයනය කරයි.
එමනිසා, ට්‍රම්ප්ගේ බදු පැනවීම බ්‍රිතාන්‍ය මෝටර් රථ කර්මාන්තයට දැඩි බලපෑමක් එල්ල කරනු ඇත.
![දේශබන්දුගේ නොදුටු පැත්ත සහ පාස්කු ප්‍රහාරයට සම්බන්ධ වුන හැටි මෙන්න [VIDEO]](https://cdn.ibcstack.com/article/8188a173-26d0-4cf2-b00e-4088ab61ae29/25-67f38dc094dcf-sm.webp)
