දිවයින පුරා විදුලිය බිඳ වැටෙන්න හේතුව වඳුර ද?. රටම බලන් හිටිය දෙය හෙට..
krishani
ලංකා විදුලි බල මණ්ඩලයේ සභාපති ආචාර්ය තිලක් සියඹලාපිටිය මහතා විශේෂ ප්‍රකාශයක් සිදුකර තිබෙනවා.
ඒ අද (09) දිවයින පුරා සිදු වූ විදුලි බිඳවැටීම ගැන ලංකා විදුලි බල මණ්ඩලය විසින් හෙට තොරතුරු ඉදිරිපත් කරන බවයි.
ඒ සම්බන්ධයෙන් විදුලිබල මණ්ඩලයේ අභ්‍යන්තර කමිටුවක් විසින් විමර්ශනයක් සිදුකිරීමට නියමිතව ඇත.
මේ අතර, අදාළ සිදුවීම සම්බන්ධයෙන් බලශක්ති අමාත්‍යංශය විසින් ද විමර්ශනයක් ක්‍රියාත්මක කර ඇත.
ඒ බව අමාත්‍යංශ ලේකම් මහාචාර්ය උදයංග හේමපාල මහතා කියා සිටියේ ය.
ඒ අනුව ඒ මහතා සදහන් කළේ යළි මෙවැනි තත්ත්වයක් ඇති නොවීමට අවශ්‍ය ක්‍රියාමාර්ග නිර්දේශ කිරීම සඳහා අදාළ විමර්ශනය සිදුකරන බව ය.
මේ අතර, අද (09) පෙරවරු 11.15ට පමණ දිවයින පුරා මෙම විදුලි බිඳ වැටීම සිදු විය.
එලෙස දිවයින පුරා විදුලිය බිඳ වැටීමට හේතුව පානදුර ග්‍රිඩ් උපපොළෙහි ඇති පද්ධතියේ වඳුරෙකු ගැටීමෙන් ඇති වූ තත්ත්වයක් බව බලශක්ති අමාත්‍ය කුමාර ජයකොඩි සදහන් කළේ ය.
You May Like This Video👇
