හොංකොං ඛේදවාචකයෙන් මියගිය ගණන 128ක් දක්වා ඉහළට

හොංකොංහි තායි පෝ දිස්ත්‍රික්කයේ වැංග් ෆුක් කෝට් (Wang Fuk Court) මහල් නිවාස සංකීර්ණයේ ඉකුත් 26 වැනිදා ඇතිවූ දරුණු ගින්නෙන් මියගිය සංඛ්‍යාව දැන් 128කට ඉහළ ගොස් තිබෙනවා

මෙය දශක ගණනාවකින් පසු හොංකොංහි සිදුවූ දරුණුතම ගිනිගැනීම ලෙස සැලකෙනවා.

විදෙස් මාධ්‍ය වාර්තා අනුව, තවමත් පුද්ගලයින් 200ක පමණ තත්ත්වය අනිශ්චිතයි, සහ තුවාල හිමිකරුවන් 79ක් (ගිනිනිවන භටයින් 12ක් ඇතුළුව) ඉන්නවා. ගින්න නිවාදැමීමට ගිනිනිවන භටයින් 700කට වැඩි පිරිසක් යොදාගත්තා. මෙම සංකීර්ණයේ නිවාස 2,000කට ආසන්න සංඛ්‍යාවක් තිබුණු අතර, පදිංචිකරුවන් 4,600ක් පමණ වාසය කළා.

උසස් පෙළ ඇතුළු සියලු විභාග දින නියමයක් නොමැතිව කල්යයි

ගින්නේ නිශ්චිත හේතුව මෙතෙක් හඳුනාගෙන නැහැ, නමුත් ප්‍රතිසංස්කරණ කටයුතු සඳහා යොදාගත් උණු බම්බු පලංචි (bamboo scaffolding) සහ ජාල ගින්නේ වේගයෙන් පැතිරීමට හේතුවක් වුණු බවට චෝදනා එල්ල වෙනවා. මෙය හොංකොංහි සියවස් ගණනාවක පැරණි ඉදිකිරීම් ක්‍රමයක් වුවත්, දැන් ආන්දෝලනාත්මක කතාබහක් ඇතිවෙලා.

ඒ අතර, මනුෂ්‍ය ඝාතන චෝදනා යටතේ ඉදිකිරීම් සමාගමක සේවකයින් තිදෙනෙකු අත්අඩංගුවට ගෙන තිබෙනවා. බොහෝ මියගිය අය හඳුනාගැනීමේ කටයුතු තවමත් සිදුවෙමින් පවතිනවා (128න් 39ක් පමණක් හඳුනාගෙන තිබෙනවා).

පවතින තත්ත්වය අනුව දිවයින පුරා 25%කට විදුලි සැපයුම බිඳ වැටෙයි