දරුණු අනතුරක් - බෙල්ජියමේ පාසල් බස් රථයක් දුම්රියක ගැටේ 4ක් මරුට

බෙල්ජියම් රාජ්‍යයේදී ධාවනය වෙමින් තිබූ දුම්රියක පාසල් බස් රථයක් ගැටීමෙන් සිදුවූ බරපතළ අනතුරකින් පාසල් සිසුන් දෙදෙනෙකු ඇතුළු පුද්ගලයන් සිව්දෙනෙකු අවාසනාවන්ත ලෙස මියගොස් තිබේ.

විදෙස් මාධ්‍ය වාර්තාවලට අනුව, අනතුර සිදුවන අවස්ථාවේදී අදාළ දුම්රිය හරස් මාර්ගයේ ආරක්ෂිත ගේට්ටු වසා දමා තිබී ඇත.

එසේ තිබියදීත්, බස් රථයේ රියදුරු විසින් දුම්රිය මාර්ගය හරහා වාහනය ධාවනය කිරීමට දැරූ නොසැලකිලිමත් උත්සාහය හේතුවෙන් මෙම දරුණු අනතුර සිදුව ඇති බව මූලික පරීක්ෂණවලින් අනාවරණය වී තිබේ.

අටමස්ථාන හිමියන් තාම අධිකරණයෙන් වැරදිකරුවෙක් වෙලා නෑ, - කස්සප හිමි

මෙම ඛේදවාචකයෙන් ජීවිතක්ෂයට පත් සෙසු පිරිස අතර එම පාසල් බස් රථයේ රියදුරුවරයා සහ එහි සේවය කළ සහායිකාව ද වන බව එරට බලධාරීන් තහවුරු කර ඇත.

අනතුර සිදුවන අවස්ථාවේදී බස් රථය තුළ පාසල් දරුවන් 7 දෙනෙකු ගමන් කරමින් සිට ඇති අතර, ඉන් දිවි ගලවා ගත් සෙසු සිසුන් කිහිපදෙනෙකු ද බරපතළ තුවාල ලබා මේ වන විට රෝහල්ගතව දැඩි සත්කාර ඒකකවල ප්‍රතිකාර ලබන බව ජාත්‍යන්තර මාධ්‍ය වාර්තා වැඩිදුරටත් සඳහන් කරයි.

මේ ප්‍රදේශවලට නැවත් නායයෑම් අනතුරු යාවත්කාලීන කරයි