බදින තුවක්කුවක් පත්තුවීමෙන් තල හේනට ගිය පියාට අවාසනාවන්ත දිවි අහිමි වෙයි

තිරප්පනේ, උට්ටිමඩුව ප්‍රදේශයේදී වනසතුන් දඩයම් කිරීම සඳහා අටවා තිබූ බදින තුවක්කුවක් පත්තුවීමෙන්, සිය වගා බිමට යමින් සිටි පියෙකු අද (09) අලුයම් කාලයේදී ජීවිතක්ෂයට පත්ව තිබෙන බව සදහන් වේ.

 මෙලෙස අවාසනාවන්ත ලෙස මියගොස් ඇත්තේ සිවලාකුලම, කුට්ටිකුලම ලිපිනයේ පදිංචි (54) හැවිරිදි විශ්‍රාමික හමුදා සෙබළකු වන තිදරු පියෙකි. ඔහු ශ්‍රී ලංකා යුද හමුදාවේ සේවය කර විශ්‍රාම ලැබූ පුද්ගලයෙක් බව වාර්තා වෙයි .

මියගිය පුද්ගලයා අද අලුයම් කාලයේ උට්ටිමඩුව ප්‍රදේශයේ පිහිටි සිය තල හේන වෙත යමින් සිටියදී, මාර්ගය අසල වූ කුඩා කැලෑබද ප්‍රදේශයක වල් ගෝනුන් දඩයම් කිරීම සඳහා කිසියම් පිරිසක් විසින් අටවා තිබූ බදින තුවක්කුවකට මෙලෙස ගොදුරු වී තිබුණි.

මෙම බදින තුවක්කුව පත්තුවන ශබ්දය ඇසී ඒ අසල සිටි පිරිසක් වහා එම ස්ථානයට ගොස් පරීක්ෂාවට ළක්කර ඇත ඒ වන විටත් පපුව සහ ඉණ අතර ප්‍රදේශයට වෙඩි වැදී බරපතළ තුවාල ලබා බිම වැටී සිටි එම පිරිස විසින් වහාම පයිරමඩුව රෝහලට ඇතුළත් කිරීමට පියවර ගෙන තිබුණි.

මේ ආණ්ඩුවට අස්වැසුම හරි බැංකු ගිණුම්වලට දාගන්නවත් බෑ නාමල් අයෙත් ආණ්ඩුවට දෙහි කපයි

කෙසේ වෙතත් රෝහල් ගත කිරීමෙන් සුළු වේලාවකට පසු ඔහු මියගොස් ඇති බව වාර්තා වේ. සිද්ධිය සම්බන්ධයෙන් මහෙස්ත්‍රාත් පරීක්ෂණය සහ පශ්චාත් මරණ පරීක්ෂණය අද (09) දින සිදු කිරීමට නියමිතව ඇත.

මෙම බදින තුවක්කුවක් ඇටවූ සැකකරුවන් අත්අඩංගුවට ගැනීම සඳහා තිරප්පනේ පොලීසිය වැඩිදුර පරීක්ෂණ මෙහෙයවනු ලබයි.

ඒ වගේම දේහය මේ වන විට පයිරමඩුව රෝහලේ මෘත ශරීරාගාරයේ තැන්පත් කර ඇති බව වැඩිදුර සඳහන් වී තිබේ.

ප්‍රවේශම් වෙන්න - මේ ප්‍රදේශයන් සදහා ප්‍රබල අකුණු පිළිබඳ අවවාදාත්මක නිවේදනයක්