හොරෙන් ගෙන්න‍ූ වාහන දෙකක් ළඟ තියාගත් තිදෙනෙකුට වැඩ වරදී
Shehan
තීරුබදු රහිතව ගෙන්වා ව්‍යාජ අංක තහඩු සවි කර භාවිතා කරන ලද වාහන සන්තකයේ තබා ගත් සැකකරුවන් තිදෙනෙකු ඊයේ (04)පැල්මඩුල්ල පොලිසිය විසින් අත්අඩංගුවට ගෙන තිබේ.
තීරුබදු රහිතව මෙරටට ගෙන්වා ව්‍යාජ අංක තහඩු සවි කරන ලද ජීප් රථයක් හා මෝටර් රථයක් පැල්මඩුල්ල පොලිස් වසමේ ගරාජයක සඟවා තිබියදී සොයගනු ලැබුවේ 2024 ඔක්තෝබර් 13 වනදාය.
ඒ පැල්මඩුල්ල පොලිස් ස්ථානයට ලද තොරතුරකට අනුවය.
ඒ අනුව, පැල්මඩුල්ල පොලිසිය අදාළ වාහන දෙක පොලිස් භාරයට ගෙන විමර්ශන ආරම්භ කර තිබිණි.
එහිදී සිදුකළ වැඩිදුර විමර්ශනය ඊයේ අදාළ සැකකරුවන් අත්අඩංගුවට ගෙන තිබුණේ ඉහත වාහන සන්තකයේ තබා ගැනීම, තීරුබදු රහිතව මෙරටට ගෙන්විම හා ව්‍යාජ අංක තහඩු සවි කර භාවිත කිරීම යන වැරදි සම්බන්ධයෙනි.
අත්අඩංගුවට ගත් සැකකරුවන් අවුරුදු 49, 59 හා 61 යන වයස්වල පසුවන ඇඹිලිපිටිය හා මාමඩල ප්‍රදේශවල පදිංචිකරුවන් බව පොලිසිය ප්‍රකාශ කරයි.
සැකකරුවන් ඊයේ පැල්මඩුල්ල මහෙස්ත්‍රාත් අධිකරණය වෙත ඉදිරිපත් කිරීමෙන් පසු මාර්තු 11 වනදා දක්වා රක්ෂිත බන්ධනාගාර ගත කර ඇති අතර පැල්මඩුල්ල පොලිසිය වැඩිදුර විමර්ශන සිදු කරනු ලබයි.
