රාත්‍රි කාලයේ නිවාසවලට පැමිණ දොරට තට්ටුන වල්ම වල් අලියෙක් කැකිරාවේ!

By Shehan Mar 07, 2025 07:43 AM GMT
Shehan

Shehan

Report

රාත්‍රි කාලයේ නිවාසවලට පැමිණ දොරට තට්ටු කරමින් දොර විවෘත කරවා ගැනීමට උත්සහ කරමින් නිවාස හානි සිදුකරන වනඅලියෙකු සම්බන්ධයෙන් පුවතක් කැකිරාව ප්‍රදේශයෙන් වාර්තා වෙනවා.

මෙම වන අලියා පසුගිය දිනකද රාත්‍රි කාලයේ කැකිරාවේ නිවෙසකට පැමිණ එම නිවසේ ප්‍රධාන දොරට කිහිප වරක් තට්ටුකර තිබෙනවා.

එම අවස්ථාවේ නිවැසියන් නිවසට පැමිණ ඇත්තෙ වන අලියකු බව දැන ගැනිමෙන් අනතුරුව නිවසේ කාමරයක් තුළ සැගව ඇති බවයි වාර්තා වන්නේ.

ගණේමුල්ල සංජීව ඝාතනයේ සැකකරුවන් රිමාන්ඩ්

ගණේමුල්ල සංජීව ඝාතනයේ සැකකරුවන් රිමාන්ඩ්

සුළු වේලාවක් දොරට තට්ටු කරමින් සිටි මෙම වන අලියා පසුව එම දොරට පහරදී කඩා බිඳ දමා එහි දොරගුලේ කොටසක් ද රැගෙන කලාවැව ජාතික උද්‍යානය දෙසට පලා ගොස් තිබෙනවා.

දොර කඩා දැමූ වන අලියා එම නිවස ආසන්නයේ තිබූ කෙසෙල් වගාවන්ටද හානි කර තිබෙනවා.

එදිනම මෙම වනඅලියා විසින් ඒ ආසන්නයේ වූ කාන්තාවක් තනිව ජීවත් වන තවත් කුඩා නිවාසයකට ද පහරදී එහි දේපලවලටද හානි කර ඇති බවයි වාර්තා වන්නේ.

වාහන ආනයනකරුවන්ට විශේෂ දැනුම්දීමක්!

වාහන ආනයනකරුවන්ට විශේෂ දැනුම්දීමක්!

මෙලෙස රාත්‍රී කාලයේ නිවාසවල දොරවල්වලට තට්ටුකරමින් කලහකාරී ලෙස හැසිරෙමින් ප්‍රදේශයේ සැරිසරන්නේ කලාවැව ජාතික උද්‍යානයේ සිටින වනඅලියෙකු බවට අනුමාන කෙරෙනවා.

තම නිවෙස්වලට සිදුකර ඇති හානිය සම්බන්ධයෙන් එම නිවෙස් හිමියන් අදාළ අංශ වෙත හා පොලිසියට පැමිණීලි කිරීමටත් පියවර ගෙන තිබෙනවා.

එමෙන්ම වන අලියා සිදුකර ඇති මෙම නිවාස හානි සම්බන්ධයෙන් මේ වනවිට කැකිරාව ප්‍රාදේශීය ලේකම් කාර්යාලය මඟින් විමර්ශන හා හානි තක්සේරු වාර්තා ද කැදවා ඇති බවයි වාර්තා වන්නේ. 


GalleryGalleryGalleryGallery
ReeCha