අමාත්‍ය චතුරංග අබේසිංහට රිය අනතුරක් - කැබ් රථය හැපී අයෙක් රෝහලේ

කර්මාන්ත හා ව්‍යවසායකත්ව සංවර්ධන නියෝජ්‍ය අමාත්‍ය චතුරංග අබේසිංහ මහතා ගමන් කරමින් තිබූ කැබ් රථය ත්‍රිරෝද රථයක් හා ගැටීමෙන් වාහන අනතුරක් සිදුව ඇත.

බොරැල්ල, නන්දදාස කෝදාගොඩ මාවතේදී සිදුවූ මෙම රිය අනතුරින් ත්‍රිරෝද රථ රියැදුරෙකු තුවාල ලබා කොළඹ ජාතික රෝහල වෙත ඇතුළත් කර ඇත. එමෙන්ම නියෝජ්‍ය අමාත්‍යවරයාට කිසිදු හානියක් සිදුවී නොමැති බව වාර්තා වේ.

නන්දදාස කෝදාගොඩ මාවතේ කෙරී විද්‍යාලය ආසන්නයේදී ත්‍රිරෝද රථයේ ගැටීම සිදුව ඇති බව බොරැල්ල පොලිසිය සඳහන් කරයි.

පසුව අනතුරට සම්බන්ධයෙන් නියෝජ්‍ය අමාත්‍යවරයාගේ රියැදුරු බොරැල්ල පොලිසිය විසින් අත්අඩංගුවට ගෙන ඇති අතර සිද්ධිය සම්බන්ධයෙන් බොරැල්ල පොලිසිය වැඩිදුර විමර්ශන මෙහෙයවයි.  

ප්ලේන් එක ඇතුලෙම ගුටි කෙළියක් එයාහොස්ටර්ටත් ගහලා

රනිල් අද අධිකරණයට - ආයෙත් ඇවිස්සුණු රනිල්ගේ නඩුව