ලක්ෂ්මන් යාපාට හා ජයන්ත එදිරිසිංහ එරෙහි නඩුවේ ඊලග පියවර

කොළඹ මහාධිකරණය විසින් අල්ලස් කොමිසම විසින් "දූෂණය" නැමැති වරද යටතේ හිටපු අමාත්‍ය ලක්ෂ්මන් යාපා අබේවර්ධන සහ ආයෝජන මණ්ඩලයේ හිටපු අධ්‍යක්ෂ ජෙනරාල් ජයන්ත එදිරිසිංහ අයට එරෙහිව ගොනුකර තිබෙන නඩුව පවරා පවත්වාගෙන යාමට නොහැකි බවට විත්තිය විසින් ඉදිරිපත් කළ මූලික විරෝධතා පිළිබඳ නියෝගය නොවැම්බර් මස 10 වැනිදා ප්‍රකාශයට පත් කරන මෙන් නියෝග කර ඇත.

අද (07) කොළඹ මහාධිකරණ විනිසුරු මොහොමඩ් මිහාල් ඉදිරියේ නඩුව කැදවූ අතර විත්තිකරුවන් වෙනුවෙන් පෙනී සිටි නීතිඥවරු මූලික විරෝධතා මතු කරමින් මෙම නඩුව විභාග කිරීමට මහාධිකරණයට බලයක් නොමැති බව සඳහන් වේ.

මහින්දව රාජපක්ෂව මරන්නේ කකුල් දෙකෙන් එල්ලලා ත්‍රස්තවාදීන්ව බේරන්න හැදුවේ

ඒ අනුව අදාළ චෝදනා නිෂ්ප්‍රභ කර විත්තිකරුවන් මුදා හරින ලෙසත්, එම නීතිඥවරු සිය මූලික විරෝධතාවලින් කරුණු දක්වා තිබුනු අතර දෙපාර්ශවය විසින් ඉදිරිපත් කළ කරුණු සලකා බැලූ විනිසුරුවරයා, විත්තිකරුවන් විසින් ඉදිරිපත් කළ මූලික විරෝධතා පිළිබඳ නියෝගය නොවැම්බර් මස 10 වැනිදා ප්‍රකාශයට පත්කරන බව නිවේදනය කර ඇත.

හිටපු ජනාධිපති මහින්ද රාජපක්ෂගේ දෙවන පදවි ප්‍රාප්තියේ හතරවන වසර සැමරීම වෙනුවෙන් 2014 වසරේ නොවැම්බර් මස 19 වැනිදා ශ්‍රී ලංකා ආයෝජන මණ්ඩලයේ අරමුදල්වලින් පුවත්පත් 11ක අතිරේක පළ කිරීම තුළින් රජයට 1748877.76ක මුදලක් පාඩු කිරීම තුළින් දූෂණ විරෝධී පනත යටතේ වරදක් සිදු කර ඇතැයි චෝදනා කරමින් අල්ලස් කොමිසම විසින් මෙම නඩුව ගොනු කර තිබෙනවා.

මහින්ද වහාම අත්අඩංගුවට ගන්න - ෆීල්ඩ් මාර්ෂල් සරත් ෆොන්සේකා

මහින්ද 2005 ජනපති වෙන්න දිනන්න එල්ටීටීඊයට ඩොලර් මිලියන 2ක් දුන්නා - සරත් ෆොන්සේකා