ඉෂාරා සෙව්වන්දි එක්ක එන්න STF ලොක්කෝ දෙන්නෙක් යයි

පොලිස් විශේෂ කාර්ය බළකායේ නිලධාරීන් දෙදෙනෙකු සංවිධානාත්මක අපරාධ කල්ලි සාමාජිකයෙකු වන සංජීව කුමාර සමරරත්න හෙවත් "ගණේමුල්ල සංජීව" ඝාතනයේ ප්‍රධාන සැකකාරිය වන ඉෂාරා සෙව්වන්දි ඇතුළු ශ්‍රී ලාංකිකයන් පස් දෙනා ශ්‍රී ලංකාවට රැගෙන ඒම සඳහා නේපාලය බලා පිටත්ව ගොස් තිබේ.

ඔවුන් එලෙස දිවයිනෙන් පිටව ගොස් ඇත්තේ, දැනටමත් නේපාලයේ සිටින CID කණ්ඩායමට සහාය වීම සඳහා බවත් ඔවුන් නැවත අද සවස දිවයිනට පැමිණීමට නියමිත බවත් වාර්තා වේ.

කජ්ජාගේ පුතා පොලිස් භාරයට

ඉෂාරා සෙව්වන්දි නමැත්තියව මෙලෙස අත්අඩංගුවට ගෙන ඇත්තේ නේපාල ආරක්ෂක අංශ සමග සිදුකළ ඒකාබද්ධ මෙහෙයුමක් මගිනි,. එම මෙහෙයුමෙන් ඉෂාරා සෙව්වන්දි නේපාලයේ කත්මණ්ඩු නුවර සිට කිලෝමීටර 18ක පමණ දුරින් පිහිටි නිවසක රැඳී සිටිය දී අත්අඩංගුවට ගෙන ඇත.

ඉෂාරා සෙව්වන්දි සමග තවත් කාන්තාවක් ඇතුළු පුද්ගලයින් සිව්දෙනෙකු එහිදී අත්අඩංගුවට ගෙන ඇති අතර ඔවුන් අතර දැනට පොලිස් අත්අඩංගුවේ පසුවන අපරාධ කල්ලි නායකයෙකු ලෙස සැලකෙන 'කෙහෙල්බද්දර පද්මේ' නැමැත්තාගේ සමීපතමයෙකු ද අත්අඩංගුවට ගත් පිරිස අතර සිටින බව වාර්තා වේ.

ඉෂාරා සෙව්වන්දි අද දිවයිනට

සංවිධානාත්මක අපරාධකරුවකු වන සංජීව කුමාර සමරරත්න නො‍හොත් 'ගණේමුල්ල සංජීව' ඉකුත් පෙබරවාරි 19 වනදා අලුත්කඩේ අධිකරණ සංකීර්ණය තුළදී වෙඩිතබා ඝාතනය කරනු ලැබූ අතර, කෙහෙල්බද්දර පද්මේගේ පාර්ශ්වය විසින් අදාළ ඝාතනය සිදුකර තිබුණි.