ගෝලීය වෙළඳ යුද්ධය දැන් තවත් උණුසුම් වෙයි - චීනයෙන් ඇමරිකානු භාණ්ඩවලට අමතර බද්දක්!

චීනය, ඇමෙරිකාවෙන් ආනයනය කරන භාණ්ඩවලට 34%ක අමතර තීරු බද්දක් පැනවීමට තීරණය කර තිබේ.

එය 2025 අප්‍රේල් 10 සිට ක්‍රියාත්මක වනු ඇතැයි විදෙස් මාධ්‍ය වාර්තා කරයි. මෙම තීරණය, ඇමෙරිකානු ජනාධිපති ඩොනල්ඩ් ට්‍රම්ප් විසින් චීන නිෂ්පාදනවලට කළ බදු වලට පිළිතුරක් ලෙස ගෙන ඇති බව සඳහන් වෙයි.

විදුලි කාර් පර්මිට් යටතේ සැඟවුණු මුදල් වංචා - මෙන්න හෙළිදරව්වක්!

චීනයේ මුදල් අමාත්‍යාංශය පවසන්නේ, ඇමෙරිකාවේ බදු තීරණ 'ජාත්‍යන්තර වෙළඳ නීතිවලට අනුරූප නොවන' බවය. එමෙන්ම, මෙම තීරු බදු පැනවීම පිළිබඳව චීනය ලෝක වෙළඳ සංවිධානයට (WTO) නිළ පැමිණිල්ලක්ද ගොනු කර ඇත.

චීන වාණිජ අමාත්‍යාංශයේ ප්‍රකාශකයෙකු සඳහන් කරන්නේ, ඇමෙරිකාවේ බදු තීරණය ව්‍යාපාරික නීතිරීති කඩ කළ අතර, අනෙකුත් රටවල අයිතිවාසිකම්වලටද බලපා ඇති බවයි.

වැදගත් වශයෙන්ම, මෙම බදු විවදය ජාත්‍යන්තර වෙළඳ ක්ෂේත්‍රයට දැඩි බලපෑම් මතුවී ඇත.

ඉන්දීය අග්‍රාමාත්‍ය නරේන්ද්‍ර මෝදිගේ පිළිගැනීමේ නිල උත්සවය (LIVE)

විදෙස් මාධ්‍ය වාර්තා කරන්නේ, මෙය හේතුකොටගෙන යුරෝපීය කොටස් වෙළෙඳපොළ සීඝ්‍රයෙන් පහත වැටී ඇති බවයි. ලන්ඩන්, බර්ලින් සහ පැරිසියෙහි ප්‍රධාන වෙළෙඳපොළවල කොටස් වටිනාකම 3%කට වඩා කඩාවැටී ඇත.