අද බස් ධාවනයෙන් ඉවත් වීම සමඟ පාසල් සිසුන් ප්‍රවාහනය වෙනුවෙන් ඇති සිසු සැරිය ගැනත් දැනුම්දීමක්

ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා විසින් බස් ධාවනයෙන් ඉවත් වීමට අද (23) ගත් තීරණය වර්ජනයක් නොවන බවට ප්‍රකාශ කරයි.

ඒ අනුව ඔහු සඳහන් කළේ ඉන්ධන මිල ඉහළ යාමත් සමඟ පැරණි බස් ගාස්තුව යටතේ ධාවනය කළ නොහැකි බැවින් ධාවනයෙන් ඉවත් වීමට තීරණය කළ නමුත් මෙය කිසි සේත් වර්ජනයක් නොවන බවයි.

එසේම ඔහු සඳහන් කළේ නව බස් ගාස්තු සංශෝධනය ඊයේ දිනයේ සිට ක්‍රියාත්මක කිරීමට රජයට හැකියාවක් තිබුණ ද ගාස්තු සංශෝධනය ක්‍රියාත්මක කිරීමට පියවර නොගැනීම මෙම තත්ත්වයට බලපෑ බවයි.

අද බස් ධාවනයෙන් ඉවතට? බස් ගාස්තුත් 10%කට වැඩිය වැඩි මිලකින් සංශෝධනය විමට නියමිතයි

ඒ අනුව මෙම තත්ත්වය යටතේ අද දිනයේදී 90%කට වැඩි පිරිසක් බස් ධාවනයෙන් ඉවත් වී ඇති බවත් සුළු පිරිසක් බස් ධාවනය කිරීමට කටයුතු කර ඇති බවත් කියූ සභාපතිවරයා මෙම ක්‍රියාව සඳහා කිසිදු බස් රථ හිමියෙකුට බලපෑමක් ඇති නොකළ බවද සඳහන් කළා.

එසේම පාසල් සිසුන් ප්‍රවාහනය වෙනුවෙන් ඇති සිසු සැරිය කිසිදු අයුරකින් නවත්වා නොමැති බවත් පැවසූ ගැමුණු විජේරත්න මහතා කියා සිටියේ අද දිනයේ නියමිත පරිදි සිසුන් ප්‍රවාහනය සඳහා එම බස් රථ ධාවනයට යොදවා ඇති බවයි.

අද හෝමාගම - පිටකොටුවේ යනවා නම් නරක ආරංචියක් - මේ බස් වර්ජනයක්

"මේක ප්‍රධාන ගැටලුවකට තියෙන්නේ අනුමැතිය සඳහා කැබිනට් මණ්ඩලයට යොමු කිරීම කියන ප්‍රශ්නේ. පසුගිය කාලය පුරාම ක්ෂණිකව මේ ඩීසල් වැඩිවුණාම පසුගිය ආණ්ඩු මේක ලබා දෙන්න කටයුතු කළා. ආණ්ඩුව දැනගන්න ඕනේ මේක ව්‍යාපාරයක්. අපි කරන්නේ බිස්නස් එකක් කවුරුහරි වැඩ කරනවාද පඩියක් නැතිව. අපිට ධාවනය කරන්න බැරි නිසා තමයි අපි ධාවනයෙන් ඉවත් වුණේ. කෙටි සේවාවට රුපියල් 5,000-6,000ක් පාඩු වෙනවා ඒ වගේම දුර සේවාවට රුපියල් 15,000 - 20,000ක් අතර පාඩු වෙනවා ඒක තමයි අපි දිගින් දිගටම කිව්වේ පාඩුවට දුවන්න බෑ. අපි කොයි වෙලාවේවත් කිව්වේ නෑනේ බස් වර්ජනය කරනවා කියලා. අපි වර්ජනය නෙමෙයි කෙරුවේ පාඩු නිසා ධාවනයෙන් ඉවත් වීමට කටයුතු කළා. කොහොම නමුත් අපි අනිවාර්යයෙන්ම දන්නවා බස් ගාස්තුව අද ලබා දෙනවා කියලා. නමුත් මෙතන තව එකක් තමයි පසුගිය ආණ්ඩු, ජාතික ගමනාගමන කොමිෂන් සභාව, අදාළ බලධාරීන් අපිත් සමග සාකච්ඡා කරනවා. නමුත් පසුගිය කාලේ කිසිදු සාකච්ඡාවක් නැතිව තමයි ජාතික ගමනාගමන ප්‍රවාහන කොමිෂන් සභාව සහ ප්‍රවාහන අමාත්‍යාංශය කළේ. අපි පොඩි සිග්නල් එකක් දුන්නා අපිත් එක්ක සාකච්ඡා කරලා කටයුතු කරන්න එහෙම නැතිව අපිට ඉස්සරහට ගමනක් යන්න හැකියාවක් නැහැ කියලා."

කොළඹ මහ නගර සභාවෙන් නිවේදනයක් - අද උදේ 6 සිට මේ වාහනවලින් නැවතත් ගාස්තු

මැයි මාසයේ සිට ක්‍රියාත්මක වෙන අලුත්ම ගාස්තුව මෙන්න