බොරැල්ල බිහිසුණු දොඹකර අනතුරට හේතුව අධිකරණයට දන්වයි [PHOTO]

බොරැල්ලේ කනත්ත වටරවුම අසලදී එක් පුද්ගලයෙකුගේ ජීවිතක්ෂයට පත් වන සේ සිදුවූ දොඹකර අනතුර සම්බන්ධයෙන් විමර්ශනවලින් වාහනයේ එන්ජිම ක්‍රියා විරහිත කරන ස්විචය ක්‍රියා විරහිතව තිබූ බව හෙළිවී ඇතැයි බොරැල්ල පොලීසිය අධිකරණයට දැනුම් දී ඇත.

ඓතිහාසික මහනුවර ඇසළ පෙරහැර මංගල්‍යය ආරම්භයි - මින් පෙර නොවූ විශේෂිත සිදුවීමක්

මෙම අනතුර සම්බන්ධයෙන් අත්අඩංගුවට ගත් රියදුරා අගෝස්තු 7 වැනිදා දක්වා රක්ෂිත බන්ධනාගාරගත කරන ලෙස කොළඹ රථවාහන මහේස්ත්‍රාත් එම්.එන්. රිස්වාන් මහතා විසින් ඊයේ (29) නියෝග කළේය.

අනතුර සිදුවූයේ පසුගිය 28 වැනිදා උදෑසන 8.45ට පමණ වන අතර, මෙහිදී පොලිස් නිලධාරීන් දෙදෙනෙකු ඇතුළු හත්දෙනෙකු බරපතළ තුවාල ලබා ඇත. එමෙන්ම යතුරුපැදි හයක් සහ මෝටර් රථ තුනක් දැඩි ලෙස හානියට පත්ව තිබේ. අනතුර සිදුවූ අවස්ථාවේ දොඹකරය තිරිංග ක්‍රියා විරහිතව මීටර් 200ක් පමණ ධාවනය වී ඇති බව පොලීසිය සදහන් කරයි.

පොලීසිය විසින් අධිකරණයට ඉදිරිපත් කළ තවත් කරුණු අතරින්, රථය අධික ලෙස රත්වීමෙන් තිරිංග පද්ධතිය අපරිපූර්ණ වී තිබිය හැකි අතර, රියදුරු විසින් මෙය දැන සිටියද මාර්ගයේ ධාවනය කිරීම තීරණය කර තිබූ බවද සඳහන් විය. විමර්ශනවලදී තවත් අනාවරණයක් වන්නේ, සැකකරු ගංජා භාවිත කළ බවට අධිකරණ වෛද්‍ය වාර්තාවකින් තහවුරු වී ඇති බවයි.

හවායි දූපත්වලටත් සුනාමි රළ කඩා වදී - හවායි වැසියන්ට වහාම ඉවත් වෙන ලෙසට නියෝග

එහෙත් පොලීසිය පැවසූයේ, රියදුරු ගංජා භාවිතය නොව ස්විචය ගැටළුව යන කරුණ බෙහෙවින් අනතුරට බලපා ඇති බවකි. එමෙන්ම වාහනය නියමිත පරිදි නඩත්තු කර නොතිබූ බවද එහි හිමිකරු පිළිබඳව අනාවරණය වී ඇත.

සැකකරු වෙනුවෙන් පෙනී සිටි නීතිඥයන් පවසන්නේ, රියදුරු අනතුරට පෙර කිලෝමීටර් 10ක දුරක් කිසිදු ගැටළුවකින් තොරව රිය පැදවූ බවත්, තිරිංග අක්‍රිය වීම ඔහුගේ පාලනයෙන් තොරව සිදුවූ අනපේක්ෂිත සිදුවීමක් බවත්ය.

රියදුරු ගංජා භාවිත කර ඇත්තේ අනතුරට දින හතරකට පෙර බවත්, ඔහු සතුව දොඹකර පැදවීමට අවශ්‍ය යෝග්‍යතා සහතික ඇති බවත් ඒ සමගම නීතිඥවරු පෙන්වා දුන්හ.

සියලු සාක්ෂි සලකා බැලූ මහේස්ත්‍රාත් තුමා, රියදුරා රක්ෂිත බන්ධනාගාර ගත කරන ලෙස නියෝග කළ අතර, රුපියල් ලක්ෂ පහක ශරීර ඇපයක් මත වාහනයේ හිමිකරු මුදා හැරීමට නියම කළේය.

මියගිය පුද්ගලයාගේ පවුලට වන්දියක් ගෙවීමට තම සේවාදායකයින් සූදානම් බවද නීතිඥවරු අධිකරණයට දන්වා සිටියහ.