ඉන්දු - පාකිස්ථාන දේශසීමා උණුසුම යළිත්.. පාකිස්ථාන ආරක්ෂක ඇමතිගෙන් රතු එළියක්

පහල්ගම් ප්‍රහාරයට ප්‍රතිචාර වශයෙන් ඉන්දියාව විසින් පසුගිය වසරේ මැයි 7 වන දින දියත් කළ සින්ද් මෙහෙයුමට හෙට දිනයේ වසරක් සපිරේ.

එම මෙහෙයුමේදී ත්‍රස්තවාදී කඳවුරු නිරවද්‍ය ලෙස ඉලක්ක කර ඇති අතර, එයට ප්‍රතිචාර වශයෙන් පාකිස්ථානයද ඉන්දියාවට ප්‍රහාර එල්ල කළ අතර දෙපාර්ශ්ව අතර හමුදා ගැටුම දින 4ක් පුරා පැවති බව වාර්තා වේ. එය මැයි 10 වන දින අවසන් වී ඇත. 

මෙම පසුබිම තුළ, පාකිස්ථාන ආරක්ෂක අමාත්‍ය කවාජා අසිෆ් මහතා පවසා ඇත්තේ, අනාගතයේදී පාකිස්තානයට එරෙහිව කිසියම් ආක්‍රමණයක් සිදුවුවහොත් එයට දැඩි හා තීරණාත්මක ප්‍රතිචාරයක් ලබාදෙන බවයි.

පකිස්ථානය මැදිහත්කරු වෙද්දී, ට්‍රම්ප් සහ නෙතන්යාහු ඉරානය මෙල්ල කරයිද?

ඔහු සඳහන් කර ඇත්තේ, වායු, ගොඩබිම සහ ජලය තුළ ප්‍රතිචාර දැක්වීමේ හැකියාව තම රට සතුව ඉතා වේගවත් සහ ඵලදායී ලෙස පවතින බවයි.

“අනාගතයේ කිසියම් වැරදි ගණනයක් සිදුවුවහොත්, එයට දෙන ප්‍රතිචාරය ඉතා ශක්තිමත් සහ තීරණාත්මක වනු ඇත.. අපට එරෙහි ඕනෑම පියවරක් එතැනින් නතර නොවේ. එහි ආරම්භයත් අවසානයත් අපි තීරණය කරනවා” 

යනුවෙන් ඔහු අවධාරණය කර තිබේ.

එමෙන්ම, පාකිස්තානය හුදෙක් ප්‍රතිප්‍රහාර පමණක් නොව, එවැනි තත්ත්වයන්හි ප්‍රතිවිපාක සහ ගමන් මග තීරණය කිරීමද තමන් විසින් සිදුකරන බව ඔහු සඳහන් කර ඇත.

තලපති විජේගේ මහ ඇමති සිහිනය කල් යන ලකුණු? බහුතරය නැතිව තමිල්නාඩුවම කැළඹෙයි

ඊ - පාස්පෝට් ටෙන්ඩරය මහා පරිමාණ වංචාවක් - පෝලන්ත රජයත් මැදිහත් වෙන ලකුණු