අසල්වැසි ඉන්දියාවෙන් රුසියාවට දඹර ඇගිල්ල ඔසවයි..රතු එළියකුත් දල්වයි...

යුක්රේනයේ ප්‍රචණ්ඩ ක්‍රියා වහාම අවසන් කරන ලෙස අගමැති නරේන්ද්‍ර මෝදි රුසියානු ජනාධිපති පුටින්ගෙන් ඉල්ලා ඇතැයි විදෙස් මාධ්‍ය වාර්තා කරනවා.

රුසියානු ජනාධිපති ව්ලැඩිමීර් පුටින් සමඟ අද පැවති දුරකථන සංවාදයකදී අගමැති නරේන්ද්‍ර මෝදි ප්‍රචණ්ඩත්වය වහා නතර කරන ලෙස ඉල්ලා සිටියා.

රාජ්‍ය තාන්ත්‍රික සංවාදයේ සහ සංවාදයේ මාවතට නැවත පැමිණීමට දැඩි උත්සාහයක් ගන්නා ලෙසද ඔහු සියලු පාර්ශ්වයන්ගෙන් ඉල්ලා සිටින බවයි ඔහුගේ කාර්යාලයේ නිවේදනයක දැක්වා ඇත්තේ.

"ඔහුගේ දිගුකාලීන විශ්වාසය වන්නේ රුසියාව සහ නේටෝව අතර වෙනස්කම් විසඳිය හැක්කේ අවංක සංවාදයකින් පමණක් බවයි," ඔහු නැවත අවධාරණය කළේ.

යුක්රේනයේ මෑත කාලීන වර්ධනයන් පිළිබඳව ජනාධිපති පුටින් විසින් අගමැති මෝදි වෙත දැනුම් දී ඇති බව වාර්තා වේ.

මේ අතර යුක්රේනයේ ගුවන් සීමාව වසා දැමීමත් සමඟ එරට රැඳී සිටින ඉන්දීය ජාතිකයින් ඉවත් කර ගැනීම සඳහා යුක්රේනයේ ගොඩබිම් දේශසීමා හරහා ඉන්දීය රජයේ කණ්ඩායම් යවන බව ඉන්දියාව නිවේදනය කර තිබෙනවා.