රට කළඹන කාලගුණයෙන් හෙට දිනට වලංගු නිවේදනයක් - මි.මී 100 ක පමණ තද වැසි සමඟ දැඩි සුළං තත්ත්ව

2026 ජූනි මස 05 දිනය සඳහා වන කාලගුණ අනාවැකිය අද(04) දින ප.ව. 2.00 ට කාලගුණ විද්‍යා දෙපාර්තමේන්තුව නිකුත් කර ඇත.

ඒ අනුව අඳාළ නිවේදන‍යේ දැක්වෙන්නේ බස්නාහිර, සබරගමුව සහ වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇති විය හැකි බවයි.

එමෙන්ම බස්නාහිර සහ සබරගමුව පළාත්වලත් ගාල්ල, මාතර, මහනුවර සහ නුවරඑළිය දිස්ත්‍රික්කවලත් ඇතැම් ස්ථානවලට මි.මී 100 ක පමණ තද වැසි ඇති විය හැකි බව සඳහන්.

මුහුදු යන්නේ ප්‍රවේශමෙන් - තද සුළං සහ රළු මුහුදු ප්‍රදේශ පිළිබඳව හෙට දිනය දක්වා වලංගු අවවාදාත්මක නිවේදනයක්

මධ්‍යම කඳුකරයේ බටහිර බෑවුම් ප්‍රදේශවලත්, උතුරු සහ උතුරු-මැද පළාත්වලත් හම්බන්තොට සහ ත්‍රිකුණාමලය දිස්ත්‍රික්කවලත් විටින් විට හමන පැ.කි.මී. (40-50) පමණ තද සුළං ඇති විය හැකි අතර සෙසු ප්‍රදේශවල විටින් විට හමන පැ.කි.මී. (30-40) පමණ තරමක තද සුළං ඇති විය හැකි බව ද එහි සඳහන්.

කෙසේ වුවද ගිගුරුම් සහිත වැසි සමඟ ඇතිවිය හැකි තාවකාලික තද සුළංවලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා මෙන් එම දෙපාර්තමේන්තුව ජනතාවගෙන් ඉල්ලා සිටියි.

මධ්‍යම කඳුකරය ඇතුළු ප්‍රදේශ රැසකට චණ්ඩ සුළං සහ අකුණු අනතුරු

රාජ්‍ය නිලධාරීන්ගේ ඉන්ධන දීමනාවට සීමාකාරී චක්‍රලේඛයක්.. සංශෝධනය කර ඉන්ධන කෝටා වැඩි කරන්නැයි ඉල්ලයි