වෛභව් සූර්යවංශි සමග අලුත් ආරම්භක පිතිකරුවෙක්? - හිටපු ක්‍රීඩක ගම්භීර්ගෙන් යෝජනාවක්

ඇෆ්ගනිස්තානයට එරෙහිව පැවැත්වීමට නියමිත විස්සයි විස්ස තරගාවලියේදී වෛභව් සූර්යවංශි සමඟ නව ආරම්භක පිතිකරණ සංයෝජනයක් අත්හදා බලන ලෙස හිටපු ඉන්දීය ක්‍රිකට් ක්‍රීඩක දීප් දාස්ගුප්තා, ගෞතම් ගම්භීර් ප්‍රමුඛ ඉන්දීය කණ්ඩායම් කළමනාකාරීත්වයට යෝජනා කර තිබේ.

ඉන්දියාව සතුව ඉහළ මට්ටමේ ආරම්භක පිතිකරුවන් තිදෙනෙකු වන අභිෂේක් ෂර්මා, සංජු සැම්සන් සහ වෛභව් සූර්යවංශි සිටින අතර, ඔවුන් අතරින් තරග අනුව විවිධ ආරම්භක සංයෝජන අත්හදා බලා තිබේ.

සිම්බාබ්වේ සංචාරයේදී සූර්යවංශි තරගාවලියේ දක්ෂතම ක්‍රීඩකයා බවට පත්වූ අතර, එහිදී තරග ඉනිම් තුනකදී ලකුණු 151ක් රැස්කර තිබුණේ ලකුණු 50.33ක සාමාන්‍යයක් සහ 196.10ක ඉහළ ප්‍රහාරක වේගයක් සමඟිනි.

එංගලන්තයට එරෙහි තරගාවලියේදී අභිෂේක් ෂර්මා සහ සංජු සැම්සන් ආරම්භක පිතිකරුවන් ලෙස එක්ව ක්‍රීඩා කළ අවස්ථා තිබූ අතර, සූර්යවංශිද අභිෂේක් සමඟ ආරම්භක පිතිකරණයේ නිරත විය.

''2027 ලෝක කුසලානයට පෙර රෝහිත් ෂර්මා විශ්‍රාම ගනීවිද?'' - කෝලි සහ ජඩේජා ගැනත් කතාබහක්

කෙසේ වෙතත්, ඇෆ්ගනිස්තානයට එරෙහි තරගාවලියේදී සංජු සැම්සන් සහ වෛභව් සූර්යවංශි ආරම්භක පිතිකරුවන් ලෙස එක්කර අත්හදා බැලිය යුතු බව දාස්ගුප්තාගේ අදහසයි. “අපි මේ දක්වා අභිෂේක්වෛ-භව් සහ අභිෂේක්-සංජු සංයෝජන දැක තිබෙනවා.නමුත් සංජු-වෛභව් සංයෝජනය තවමත් දැකලා නැහැ. ඒ නිසා ඔවුන් දෙදෙනාට ආරම්භයේ අවස්ථාවක් ලබාදී ඔවුන්ගේ සංයෝජනය කෙසේ ක්‍රියාත්මක වේදැයි බැලීම නරක අදහසක් නොවේ,” යනුවෙන් දාස්ගුප්තා සිය YouTube නාලිකාව ඔස්සේ පවසා තිබේ.

කෙසේ වෙතත්, තම යෝජනාවෙන් අභිෂේක් ෂර්මා කණ්ඩායමෙන් ඉවත් කළ යුතු බවක් අදහස් නොකරන බවද ඔහු පැහැදිලි කළේය.

ඔහු සඳහන් කළේ ඉදිරියේදී පැවැත්වීමට නියමිත විස්සයි විස්ස ලෝක කුසලානයට පෙර සියලු ක්‍රීඩකයන්ට සහ හැකි සියලු සංයෝජනවලට ප්‍රමාණවත් තරග අවස්ථා ලබාදී, කණ්ඩායමට වඩාත් සාර්ථක වන සංයෝජනය හඳුනාගැනීම වැදගත් බවයි. “මම කිසිවෙකු ඉවත් කරන්න කියනවා නෙවෙයි. ලෝක කුසලානයට පෙර සෑම සංයෝජනයකටම සහ සෑම ක්‍රීඩකයෙකුටම නිසි අවස්ථාවක් සහ තරග කාලයක් ලබාදීම වැදගත්. එවිට කුමක් සාර්ථකද කියලා හඳුනාගන්න පුළුවන්,” යනුවෙන් ඔහු වැඩිදුරටත් පැවසීය.

ඇෆ්ගනිස්තානයට එරෙහි විස්සයි විස්ස තරගාවලිය ඉන්දියාවට ඉදිරි ලෝක කුසලානයට පෙර කණ්ඩායම් සංයෝජන අත්හදා බැලීමට වැදගත් අවස්ථාවක් වනු ඇතැයි අපේක්ෂා කෙරේ.

“මේ ජයග්‍රහණය මගේ පවුල වෙනුවෙන් කැප කරනවා” - ලොවම වසඟ කළ මන්දනා සුපිරි ශතකයෙන් පසු කියයි