අස්වූ උද්දික වෙනුවට පාර්ලිමේන්තුවට එන අලුත්ම මුහුණ..
පාර්ලිමේන්තු මන්ත්රී උද්දික ප්රේමරත්න මහතා ඉල්ලා අස්වීම නිසා පුරප්පාඩු වූ පාර්ලිමේන්තු මන්ත්රී ධුරය සඳහා එස්. සී. මුතුකුමාරණ මහතා පත් කිරීමට නියමිතව තිබේ.
අද (27) කතානායකවරයා වෙත ලිපියක් යොමුකරමින් අනුරාධපුර දිස්ත්රික් පාර්ලිමේන්තු මන්ත්රී උද්දික ප්රේමරත්න මහතා සිය මන්ත්රී ධුරයෙන් ඉල්ලා අස්වුණි.
පාර්ලිමේන්තු මහලේකම් නීතීඥ කුෂානි රෝහණධීර මහත්මිය විසින් ඔහුගේ ඉල්ලා අස්වීම හේතුවෙන් පාර්ලිමේන්තු මන්ත්රී ධුරයක් පුරප්පාඩු වී ඇති බව මැතිවරණ කොමිෂන් සභාවට දැනුම් දී ඇති බව වාර්තා වෙයි.
පාර්ලිමේන්තු මහලේකම්වරිය විසින් 1981 අංක එක දරණ පාර්ලිමේන්තු මැතිවරණ පනතේ 64(1) වගන්තිය ප්රකාරව අදාළ දැනුම්දීම සිදුකර තිබුණාය.
ඒ අනුව හිටපු පාර්ලිමේන්තු මන්ත්රී උද්ධික ප්රේමරත්න මහතාගෙන් පසු එම ලැයිස්තුවේ වැඩිම මනාප ලබාගෙන ඇති එස්. සි. මුතුකුමාරණ මහතා පාර්ලිමේන්තුවට පත්වීමට නියමිතය.
මැතිවරණ කොමිෂන් සභාව අනුමත කිරීමෙන් පසු එස්. සි. මුතුකුමාරණ මහතාගේ නම පාර්ලිමේන්තු මන්ත්රීවරයෙකු වශයෙන් ගැසට් කිරීමට කටයුතු කෙරෙයි.