2023/2024 වර්ෂවල ගුරු විද්‍යාල අවසාන විභාගය ගැන දැනුම්දීමක්

2023/2024 වර්ෂවලට අදාළ ගුරු විද්‍යාල (Guru Vidyalaya) අවසාන විභාගය හෙට (මැයි 11) ආරම්භ වීමට නියමිත බව විභාග දෙපාර්තමේන්තුව නිවේදනය කරයි.

මෙම විභාගය ප්‍රායෝගික පරීක්ෂණය ද ඇතුළුව ලබන 17 වනදා දක්වා දිවයිනේ මධ්‍යස්ථාන තුනකදී පැවැත්වීමට සියලු කටයුතු සූදානම් කර තිබේ.

විභාග අයදුම්කරුවන් සඳහා වන ප්‍රවේශ පත්‍ර මේ වන විටත් අදාළ ගුරු විද්‍යාල වෙත තැපැල් මගින් යොමු කර ඇති අතර, යම් හෙයකින් ප්‍රවේශ පත්‍රය නොලැබුණු අයදුම්කරුවන්ට විභාග දෙපාර්තමේන්තුවේ නිල වෙබ් අඩවිය වන www.doenets.lk වෙත පිවිස සිය ජාතික හැඳුනුම්පත් අංකය ඇතුළත් කිරීමෙන් ප්‍රවේශ පත්‍රය බාගත කරගැනීමේ පහසුකම ද සලසා දී ඇත.

යාල්දේවී දුම්රිය හෙට සිට නැවත ධාවනය ආරම්භ කරයි

මෙම විභාගය ගුරු පුහුණු පාඨමාලා හදාරන ගුරු සිසුන්ගේ වෘත්තීය සුදුසුකම් සනාථ කරන තීරණාත්මක කඩඉමක් වන අතර, විභාග කාලසීමාව තුළ සියලුම විභාග නීති රීති අකුරටම පිළිපදින ලෙස විභාග කොමසාරිස් ජනරාල්වරයා අයදුම්කරුවන්ගෙන් ඉල්ලා සිටියි.

ජනතාවට අනතුරු ඇගවීම් - හෙට සිට ලබන 20 දක්වා රටම අවදානමක - හදිසි ඇමතුම් අංකයක් ලබාදෙයි

විශේෂයෙන්ම විභාග මධ්‍යස්ථාන වෙත පැමිණීමේදී වලංගු හැඳුනුම්පතක් සහ විභාග ප්‍රවේශ පත්‍රය රැගෙන ඒම අනිවාර්ය වේ.