ජනප්‍රිය ක්‍රිකට් ක්‍රීඩකයෙකු AIට විරුද්ධව උසාවි යයි

ඉන්දියාවෙන් බිහිවූ ප්‍රවීනතම මෙන්ම ජනප්‍රිය ක්‍රිකට් ක්‍රීඩකයෙකු මෙන්ම ප්‍රකට ක්‍රිකට් විස්තර විචාරකයෙකු වන සුනිල් ගවස්කාර්ගේ අවසරයකින් තොරව ඔහුගේ නාමය හෝ ඡායාරූප වාණිජමය වාසි සඳහා නීති විරෝධී ලෙස භාවිතා කිරීම වළක්වාලමින් ඔහුට අදාල සියලු දේ පැය 72 ක් ඇතුළත ඉවත් කරන ලෙස ගූගල් ,මෙටා හා එක්ස් ඇතුළු වෙබ් අඩවි සහ අන්තර්ජාලයේ වේදිකා කිහිපයකට නවදිල්ලි මහාධිකරණය නියෝග කර ඇත.

මහාධිකරණය මෙම තීන්දුව ප්‍රකාශ කර ඇත්තේ ගවස්කාර්ගේ පෞරුෂය, අයිතිවාසිකම් ආරක්ෂා කරන බවට ප්‍රකාශයක් කරමින්ය.

ලබන 29 රටටම වෙන්න යන දේ - අනතුරු නිවේදන මෙන්න

කෘතිම බුද්ධි තාක්ෂණය(AI) හරහා ගවස්කර්ගේ පෞරුෂත්වයේ ලක්ෂණ භාවිතා කිරීමෙන් විත්තිකරුවන් කිහිප දෙනෙකුද වළක්වා ඇති අතර අන්තර්ජාලයට උඩුගත කරන ලද ඇතැම් අන්තර්ගතයන් ඉවත් කරන ලෙස නියෝග කරමින් අතුරු තහනම් නියෝගයක් නිකුත් කර ඇත.

ගවස්කාර්ගේ නම, රූපය සහ සමානත්වය භාවිතා කරමින් වෙළඳ භාණ්ඩ බෙදාහරින සමාජ මාධ්‍ය අතරමැදියන්ටද ඒවා ඉවත් කරන ලෙස නියෝග කර තිබේ.

පරිශීලකයින් නියමිත කාලය තුළ අන්තර්ගතයෙන් ඉවත් කිරීමට අපොහොසත් වූවහොත් සමාජ මාධ්‍ය වේදිකා ප්‍රවේශ අක්‍රිය කළ යුතු බවද දිල්ලි මහාධිකරණය විසින් ලබා දී ඇති තීන්දුවෙහි සඳහන් වේ.

මුස්ලිම් පල්ලියකට බෝම්බ ප්‍රහාරයක් සිකුරාදා යාඥාවේ 5ක් මරුට -21කට තුවාල

සමාජ මාධ්‍ය පිටු කිහිපයක් තමාට ව්‍යාජ උපුටා දැක්වීම් ආරෝපණය කරන බවත් අන්තර්ජාල විකුණුම්කරුවන් කිහිප දෙනෙකු තමා ව්‍යාජ ලෙස සම්බන්ධ කර ව්‍යාජ අත්සන සහිත අයිතම සහ වෙනත් වෙළඳ භාණ්ඩ ලබා දෙන බව ද හිටපු ක්‍රිකට් ක්‍රීඩක සුනිල් ගවස්කාර් අධිකරණය හමුවේ පැමිණිලි කර ඇත.