මැදපෙරදිග යුද තත්ත්වය හේතුවෙන් අද අවලංගු වන ශ්‍රී ලංකන් ගුවන් ගමන්

මැදපෙරදිග කලාපයේ පවතින යුධමය තත්ත්වය හා අනාරක්ෂිත වාතාවරණය හේතුවෙන් අද (01) දිනයේත් මැදපෙරදිග ගමනාන්ත වෙත නියමිතව තිබූ සියලුම ශ්‍රීලංකන් ගුවන් ගමන් අවලංගු කිරීමට ශ්‍රී ලංකන් ගුවන් සේවය තීරණය කර තිබේ.

මගීන්ගේ ආරක්ෂාව පළමුවෙන් සලකා බලමින් මෙම තීරණය ගත් බවත්, කලාපයේ ගුවන් සීමාවන් වසා දැමීම්, ආරක්ෂක තත්ත්වයන්හි වෙනස්වීම් හා ජාත්‍යන්තර ගුවන් සේවා බලධාරීන්ගෙන් ලැබෙන තොරතුරු අනුව තීරණයන් ගනු ලබන බවත් සමාගම නිල ප්‍රකාශයකින් සඳහන් කර තිබේ.

අද දිනයේ අවලංගු කර ඇති ගුවන් ගමන් මෙසේයි:

- UL231 කොළඹ → ඩුබායි

- UL232 ඩුබායි → කොළඹ

- UL225 කොළඹ → ඩුබායි

- UL226 ඩුබායි → කොළඹ

- UL217 කොළඹ → දෝහා

- UL218 දෝහා → කොළඹ

- UL253 කොළඹ → දමාම්

- UL254 දමාම් → කොළඹ

- UL265 කොළඹ → රියාද්

- UL266 රියාද් → කොළඹ

- UL229 කොළඹ → කුවේට්

- UL230 කුවේට් → කොළඹ

මෙම ගමන් අවලංගු කිරීම හේතුවෙන් බලපෑමට ලක්වූ මගීන්ට නැවත ගුවන් ගමන් කාලසටහන් සඳහා සමාගම සම්බන්ධ කර ගැනීමට හෝ ඔවුන්ගේ ගමන් බලපත්‍රයන් හරහා වෙනස්කම් කිරීමට උපදෙස් දී තිබේ.

කලාපයේ තත්ත්වය සම්බන්ධයෙන් ජාත්‍යන්තර ගුවන් සේවා බලධාරීන් හා සම්බන්ධීකරණය කරමින් නිරන්තරයෙන් තොරතුරු ලබාගනිමින් සිටින බවත්, තත්ත්වය සාමාන්‍ය මට්ටමට පත්වූ වහාම ගුවන් ගමන් නැවත ආරම්භ කිරීමට සැලසුම් කර ඇති බවත් ශ්‍රී ලංකන් ගුවන් සේවය වැඩිදුරටත් ප්‍රකාශ කර තිබේ.  

ඇමරිකාව සහ ඊශ්‍රායලය ඉරානයට පහර දීමෙන් පසු චීනය වහාම සටන් විරාමයක් ඉල්ලා සිටී.

ඉරානයේ පාසලකට එල්ල වූ ප්‍රහාරයෙන් මිය ගිය ගණන ඉහළට