වාහනයක් ගන්න ඉන්නවනම් අද හෙටම ගන්න - ලක්ෂ 50ක පමණ ලොකු වෙනසක් - වාහන ආනයනකරුවන්ගේ සංගමයෙන් දැනුම්දීමක්

ශ්‍රී ලංකා වාහන ආනයනකරුවන්ගේ සංගමය පවසන්නේ රජය විසින් පනවා ඇති රේගු අධිභාරය ලබන දෙසැම්බර් මස 31 වනදා දක්වා දීර්ඝ කිරීමට පියවර ගැනීමත් සමඟ ඉදිරියේදී මෙරටට ආනයනය කරනු ලබන වාහනවල මිල රුපියල් ලක්ෂ 50ක් දක්වා වූ ඉහළ අගයකින් වැඩි වීමේ අවදානමක් පවතින බවයි.

විශේෂ ගැසට් නිවේදනයක් මගින් මෙම අධිභාරය දීර්ඝ කර ඇති අතර, එහි සෘජු බලපෑම මැයි මස 15 වන දිනෙන් පසුව ණයවර ලිපි විවෘත කරන ලද වාහන සඳහා එල්ල වන බවත් දැනට ප්‍රදර්ශනාගාරවල පවතින වාහන මැයි 15 දිනට පෙර ණයවර ලිපි විවෘත කළ ඒවා බැවින්, පාරිභෝගිකයන්ට දැනට පවතින මිල ගණන් යටතේ එම වාහන මිලදී ගැනීමට මෙය කදිම අවස්ථාවක් බවත් එම සංගමයේ සභාපති ප්‍රසාද් මානගේ මහතා මාධ්‍ය හමුවක් අමතමින් පැවසුවේය.

ඔබේ බැංකු ගිණුම අනතුරේ - සියලුම බැංකු හිමියන්ට විශේෂ අනතුරු ඇඟවීමක් - විශ්‍රාමික හා වැඩිහිටි ප්‍රජාවට විශේෂයි

"ඉදිරියේදී එන වාහනවල මිල ගණන් සැලකිය යුතු ලෙස ඉහළ යනවා. වැගන් ආර් (Wagon R) රථයක් ලක්ෂ 5කින් ද, ටොයෝටා රේස් (Toyota Raize) රථයක් ලක්ෂ 10කින් ද, වෙසල් (Vezel) රථයක් ලක්ෂ 15ත් 20ත් අතර ප්‍රමාණයකින් ද මිල ඉහළ යනු ඇතැයි අපේක්ෂා කරනවා. එමෙන්ම ප්‍රාඩෝ (Prado) රථයක් ලක්ෂ 30කින් ද, ලෑන්ඩ් කෲසර් (Land Cruiser) රථයක් ලක්ෂ 50කින් ද සහ ඩබල් කැබ් රථයක් ලක්ෂ 20ත් 25ත් අතර ප්‍රමාණයකින් ද මිල ඉහළ යා හැකියි."

නිතර නිතර මෙලෙස අධිභාරයන් වෙනස් කිරීමෙන් වෙළඳපොළ අස්ථාවර වන බව පෙන්වා දුන් ප්‍රසාද් මානගේ මහතා, ඩොලර් සංචිත ආරක්ෂා කර ගැනීමට රජයට අවශ්‍ය නම් ඒ සඳහා බදු ප්‍රතිපත්ති සංශෝධනය හෝ ණයවර ලිපි පාලනය වැනි විකල්ප ක්‍රමවේද භාවිතා කළ හැකි බව ද යෝජනා කළේය.

මේ රාජ්‍ය සේවකයන් නැවත දැනුම්දෙන තුරු සෙනසුරාදා දින රාජකාරිවලින් ඉවත් වෙයි

ත්‍රිෂාට මුල් අසුන දුන් විජේ - විජේ ත්‍රිෂා නිසා තමිල්නාඩුවම කැළඹෙයි - දික්කසාද නඩුව අයින් කරගත්තට වැඩක් නෑ වගේ