ලංකාවෙන් තෙල් මතුවෙයිද? මන්නාරමෙන් තෙල් ගොඩගන්න සූදානමක් - රටටම සුභ අනාගතයක් ඇත ළඟ

රජය විසින් මන්නාරම් ද්‍රෝණියේ පිහිටි බ්ලොක් හතරක ඛනිජ තෙල් සහ ස්වභාවික වායු ගවේෂණය මෙන්ම නිස්සාරණය කිරීමේ කටයුතු සඳහා මෙම මාසය අගදී ජාත්‍යන්තර සමාගම්වලින් ලංසු කැඳවීමට තීරණය කර ඇත.

දීර්ඝ කාලයක් තිස්සේ සැලසුම් අදියරේ පැවති මෙම ක්‍රියාවලියට බාධාවක්ව පැවති නීතිමය ගැටලු මේ වන විට සම්පූර්ණයෙන්ම නිරාකරණය වී ඇති බව මාධ්‍ය වාර්තා කරයි.

ඔබේ බැංකු ගිණුම අනතුරේ - සියලුම බැංකු හිමියන්ට විශේෂ අනතුරු ඇඟවීමක් - විශ්‍රාමික හා වැඩිහිටි ප්‍රජාවට විශේෂයි

මීට පෙර අධිකරණ ක්‍රියාමාර්ගයක් හේතුවෙන් මෙම ටෙන්ඩර් කැඳවීමේ ක්‍රියාවලිය අත්හිටුවා තිබූ නමුත්, මේ වන විට එම සියලු නීතිමය අවහිරතා ඉවත් වී ඇති බැවින් ලංසු කැඳවීමේ කටයුතු කඩිනම් කිරීමට බලධාරීන් පියවර ගෙන ඇත.

මෙම ජාත්‍යන්තර ලංසු තැබීමේ ක්‍රියාවලිය කළමනාකරණය කිරීම සඳහා විශේෂඥ උපදේශන ආයතනයක් තෝරා ගැනීමට ද රජය මීට පෙර පියවර ගෙන ඇත පාර්ලිමේන්තු මාධ්‍ය ඒකකය විසින් 2021 වසරේදී නිකුත් කරන ලද වාර්තාවකට අනුව, මන්නාරම් ද්‍රෝණියේ ඇමරිකානු ඩොලර් බිලියන 267ක් පමණ වටිනා තෙල් සහ ගෑස් සම්පත් පවතින බවට ගණන් බලා ඇත.

මේ රාජ්‍ය සේවකයන් නැවත දැනුම්දෙන තුරු සෙනසුරාදා දින රාජකාරිවලින් ඉවත් වෙයි

මීට පෙර 2011 වසරේදී ඉන්දීය සමාගමක අනුබද්ධිත ආයතනයක් වූ 'කෙයාන් ලංකා' සමාගම මන්නාරම් ද්‍රෝණියේ ගවේෂණ කටයුතු සිදු කර 'බැරකුඩා' සහ 'ඩොරාඩෝ' යන කලාපවල ස්වභාවික වායු නිධි පවතින බව තහවුරු කර ගත්තේය.

ශ්‍රී ලංකා රජය විසින් 2020 සැප්තැම්බර් මාසයේදී ස්වභාවික වායු පිළිබඳ ජාතික ප්‍රතිපත්තිය ගැසට් කරන ලද අතර, ගවේෂණ සහ නිෂ්පාදන කටයුතු නියාමනය කිරීම සඳහා 2021 අංක 21 දරන ඛනිජ තෙල් සම්පත් පනත ද හඳුන්වා දෙන ලදී.

මේ රාජ්‍ය සේවකයන් නැවත දැනුම්දෙන තුරු සෙනසුරාදා දින රාජකාරිවලින් ඉවත් වෙයි

බටහිර ආසියානු කලාපයේ පවතින දේශපාලන නොසන්සුන්කාරී තත්ත්වය හමුවේ, දකුණු සහ අග්නිදිග ආසියානු රටවල් සිය මුහුදු සීමාවන්හි තෙල් ගවේෂණය සඳහා වැඩි අවධානයක් යොමු කරමින් සිටියි. මෙයට සමගාමීව ඉන්දීය රජය ද ඩොලර් බිලියන 8.83ක දැවැන්ත මුහුදු තීර ගවේෂණ ව්‍යාපෘතියක් ආරම්භ කර ඇති අතර, බංග්ලාදේශය ද සිය තෙල් සහ ගෑස් නිධි ගවේෂණය සඳහා ජාත්‍යන්තර ලංසු කැඳවීමට මෑතකදී පියවර ගෙන තිබුණි.