ලංකාවට ලෝක සෞඛ්‍ය සංවිධානය නිරන්තරයෙන් සහය දෙන බව කියයි

 මෙරට සෞඛ්‍ය අමාත්‍යාංශය කරන සියලු ඉල්ලීම් සදහා නිරන්තරයෙන් සහය දෙන බව ලෝක සෞඛ්‍ය සංවිධානයේ මෙරට නියෝජිත වෛද්‍ය රාජේෂ් සම්භාජි රාඕ පාණ්ඩව් මහතා සදහන් කරයි.

සෞඛ්‍ය හා ජනමාධ්‍ය අමාත්‍ය නලින්ද ජයතිස්ස ජනමාධ්‍ය අමාත්‍යංශයේ දී හමුවූ අවස්ථාවේ ලෝක සෞඛ්‍ය සංවිධානයේ මෙරට නියෝජිත වරයා මේ බව සඳහන් කර තිබේ.

තවද දිට්වා සුළි කුණාටුවෙන් ඇතිවූ ජල ගැලීම් තත්ත්වය නිසා හානියට පත් වූ හලාවත දිස්ත්‍රික් මහ රෝහල, නුවරඑලිය මහ රෝහල සහ මහියංගනය මූලික රෝහලේ සෞඛ්‍ය සේවාවන් අදියරෙන් අදියර යථාවත් කිරීම පිළිබදවත්, ඊට අවශ්‍යවන සහයෝගය ලබාගැනීමත් අරමුණු කරගනිමින් මෙම සාකච්ජාව සිදු කරන ලදි .

සහන අරමුදල් බෙදාහැරීමට නිවේදනයක්

අමාත්‍යවරයා මෙහි දී ලෝක සෞඛ්‍ය සංවිධානයේ නියෝජිතවරයාට හලාවත සහ නුවරඑළිය මහ රෝහල් දෙක මෙන්ම මහියංගනය මූලික රෝහල ජල ගැලීම සහ නාය යාම නිසා දැඩි හානියට පත්වූ බවත්, එම රෝහල්වල වෛද්‍ය උපකරණවලට ද ඒ හේතුවෙන් හානි වී තිබෙන බවයි.

එම රෝහල්වල සේවයේ නියුතු සෞඛ්‍ය කාර්ය මණ්ඩලවල අපිරිමිත කැපවීමෙන් මේ වන විට  ක්‍රම ක්‍රමයෙන්    එම රෝහල්වල ප්‍රතිකාර සේවාවන් යථාවත් කිරීමට පියවර ගනිමින් සිටින වග අමාත්‍යවරයා මෙහි දී සඳහන් කර තිබේ.

16 වෙනිදා සිට රටටම අවදානමක්