අප්‍රේල් මාසය දක්වා කාලය තුළ තේ නිෂ්පාදනය පහළට

මේ වසරේ (2026) ජනවාරි මාසයේ සිට අප්‍රේල් මාසය දක්වා වූ කාලය තුළ මෙරට සමස්ත තේ නිෂ්පාදනය සැලකිය යුතු මට්ටමකින් පහළ වැටී ඇති බව වතු හිමියන්ගේ සංගමයේ ආරම්භක ලේකම් උෂාන් සමරසිංහ මහතා ප්‍රකාශ කළේය.

ඒ අනුව වසරේ පළමු කාර්තුව සහ අප්‍රේල් මාසය ඇතුළත් මෙම කාලසීමාව තුළ මෙරට තේ නිෂ්පාදනය කිලෝග්‍රෑම් මිලියන 59.61 දක්වා පහත වැටී ඇති අතර එය ප්‍රතිශතයක් ලෙස සියයට 14.46ක කැපී පෙනෙන අඩුවීමකි.

ආයේ ආසාවටවත් වැගන් ආර්, වෙසල්, ප්‍රාඩෝ එකක් පදින්න වෙන් නැති ලකුණු - අලුත් බද්දෙන් වෙනස් වුණ මිල ගණන් මෙන්න

තේ නිෂ්පාදන පිරිවැය සහ පොහොර මිල ශීඝ්‍රයෙන් ඉහළ ගිය ද, ඊට සාපේක්‍ෂව අමු තේ දළු සඳහා වතු හිමියන්ට සහ සුළු තේ වතු හිමියන්ට සාධාරණ මිලක් නොලැබීම මෙම කර්මාන්තය කඩා වැටීමට ප්‍රධානතම හේතුව වී ඇති බව සත්වයා පෙන්වා දෙයි.

පවතින ආර්ථික සහ දේශගුණික අභියෝග මධ්‍යයේ අමු තේ දළු සඳහා නිසි මිලක් තීරණය කිරීමට බලධාරීන් කඩිනමින් මැදිහත් නොවුවහොත්, මෙරට ප්‍රධානතම අපනයන බෝගයක් වන තේ කර්මාන්තය ඉදිරියේදී දැඩි අවදානමකට ලක්වනු ඇති බවට ද ඔහු අනතුරු ඇඟවීය.

අඩු පීඩන කලාපය තවදුරටත් - ඉදිරියටත් වැසි