ශ්‍රී ලාංකිකයන්ට හදිසි අනතුරු ඇඟවීමක් - ජංගම දුරකථනයෙන් අනතුරුදායක කෙටි පණිවිඩය

තැපැල් දෙපාර්තමේන්තුවේ නිල වෙබ් අඩවිය වැනි වෙබ් අඩවියක් භාවිතා කරමින් වංචා සිදු කරන බවට වාර්තා වී තිබේ.

පැකේජ ලබා ගැනීම සඳහා ගාස්තුවක් ගෙවිය යුතු බවට ජංගම දුරකථන කෙටි පණිවිඩ හරහා කිසියම් පුද්ගලයෙකුට හෝ කණ්ඩායමකට දැනුම් දී ඇති බව තැපැල් දෙපාර්තමේන්තුව පවසයි. එසේම, මෙම වංචාව පාරිභෝගිකයින්ට මාර්ගගතව ගෙවන ලෙස ඉල්ලා සිදුවන බව අනාවරණය වී තිබේ.

හදිසියේම තෙල් මිල ඉහළට - යුද්ධයෙන් ගණන් නගින තෙල්

ඒ අනුව, මෙම වංචාකරුවන් ගනුදෙනුකරුවන්ගේ ගිණුම්වලින් වංචනික ලෙස මුදල් ලබා ගැනීමේ සිදුවීම් පිළිබඳව පැමිණිලි ලැබී ඇති බව තැපැල් දෙපාර්තමේන්තුව දන්වා තිබේ. මේ සම්බන්ධයෙන් අපරාධ පරීක්ෂණ දෙපාර්තමේන්තුව සහ අනෙකුත් අදාළ ආයතන ද දැනුවත් කර ඇත.

එවැනි වංචනික කෙටි පණිවිඩ සබැඳි, ව්‍යාජ වෙබ් අඩවි සහ මාර්ගගත ගෙවීම් ඉල්ලීම් පිළිබඳව දැනුවත් වන ලෙස තැපැල් දෙපාර්තමේන්තුව මහජනතාවට උපදෙස් දී තිබේ.

මේ අතර, රට තුළ රැඳී සිටියදී මුදල් විශුද්ධිකරණ කල්ලිවලට සම්බන්ධ විදේශිකයන් 18 දෙනෙකු අප්‍රේල් 6 වන දින දක්වා රක්ෂිත බන්ධනාගාර ගත කර ඇත. අත්අඩංගුවට ගත් අය අතර චීන ජාතිකයන් 16 දෙනෙකු සහ කාම්බෝජ ජාතිකයන් දෙදෙනෙකු ද සිටිති.

මාලිමා ලොක්කෙකු වාහන අනතුරකට - වාහනේ තාප්පේ කඩාගෙන ගිහින් බරපතල හානි