අපේ ආරක්ෂාවට පිස්තෝල දෙන්න - පාර්ලිමේන්තුවට පිස්තෝල විස්සක්?

විපක්ෂයේ මන්ත්‍රීවරුන් විස්සක් (20) රටේ පවත්නා ආරක්ෂක අවදානම සහ පාතාල කණ්ඩායම්වල ක්‍රියාකාරිත්වය හේතුවෙන්, තම පුද්ගලික ආරක්ෂාව තහවුරු කර ගැනීම සඳහා වහාම පිස්තෝල ලබා දෙන ලෙස පාර්ලිමේන්තුවේ ඉහළ නිලධාරීන්ගෙන් සහ ආරක්ෂක ප්‍රධානීන්ගෙන් ලිඛිතව ඉල්ලීමක් කර ඇත.

එම ඉල්ලීම දැනටමත් ආරක්ෂක අමාත්‍යාංශය වෙත ඉදිරිපත් කර ඇති බව පාර්ලිමේන්තුවේ ජ්‍යෙෂ්ඨ නිලධාරියෙකු සඳහන් වාර්තා කර ඇත.

මෙන්න තවත් තෙල් මිලක වෙනසක් රියදුරන්ට සුභ ආරංචියක්

කෙසේ වෙතත්, සියලුම පාර්ලිමේන්තු මන්ත්‍රීවරුන්ට ගිනි අවි නිකුත් කිරීමට රජය තීරණය කර නොමැති අතර පෙර රජය සමයේදී සියලුම මන්ත්‍රීවරුන්ට පිස්තෝල නිකුත් කළ නමුත්, නව රජය බලයට පත්වීමත් සමඟ මෙම ප්‍රතිපත්තිය වෙනස් කර ඇත.

ඒ වෙනුවට, ආරක්ෂක තර්ජන පිළිබඳ නිශ්චිත විශ්ලේෂණයකින් සනාථ වන තෝරාගත් මන්ත්‍රීවරුන් පිරිසකට පමණක් පිස්තෝල ලබා දීමට රජය තීරණය කර ඇත. දැනට එම තීරණය අනුව පිස්තෝල හිමිව ඇත්තේ සුළු මන්ත්‍රීවරුන් සංඛ්‍යාවකට පමණි.

ජ්‍යෙෂ්ඨ නියෝජ්‍ය පොලිස්පති ලලිත් පතිනායක තනතුරින් ඉවතට