ලංකාව - ඉන්දුනීසියාව එක්ව මොකක් ද මේ ගන්න යන වාසිය. - කැබිනට් අනුමැතියත් හිමිවෙලා.
Wayomi
සංවර්ධනය වෙමින් පවතින රටවල් සඳහා වන එක්සත් රාජධානියේ වෙළෙඳ යෝජනා ක්‍රමයෙහි ඇතුළත් '' අන්තර් කලාපීය සමුච්චයනය " යටතේ වන පහසුකම් ලබා ගැනීම පිණිස ශ්‍රී ලංකාව සහ ඉන්දුනීසියාව විසින් ඒකාබද්ධව අයදුම්පත්‍රයක් ඉදිරිපත් කිරීමට කැබිනට් අනුමැතිය ලැබී තිබෙනවා.
එක්සත් රාජධානිය, යුරෝපා සංගමයෙන් ඉවත් වීමෙන් පසුව, යුරෝපා සංගමයේ පොදු වරණීය ක්‍රමය යටතේ ප්‍රදානය කරන ලද වෙළෙඳ වරණයන් පවත්වා ගෙන යාම පිණිස සංවර්ධනය වෙමින් පවතින රටවල් සඳහා වන වෙළෙඳ යෝජනා ක්‍රමය 2023 ජුනි මස සිට ක්‍රියාත්මක කරනු ලබන බවයි රජය පවසන්නේ.
ඒ, අනුව ශ්‍රී ලංකාව යුරෝපා සංගමයේ පොදු වරණීය ක්‍රමයේ ප්‍රතිලාභියකු වන බැවින් එක්සත් රාජධානියේ වෙළෙඳ යෝජනා ක්‍රමයේ ප්‍රතිලාභියකු බවට ස්වයංක්‍රීයවම පත්ව ඇත.
Suzuki ඇතුළු AMW වෙතින් ශ්‍රී ලාංකිකයන්ට විශේෂ දැනුම්දීමක්. - අපේක්ෂිත ඇස්තමේන්තු කළ මිල ගණන් මෙන්න.
රජය සඳහන් කරන්නේ, එම යෝජනා ක්‍රමය යටතේ වන නිර්ණායක පරිදි අදාළ වරණීය ක්‍රමයේ ප්‍රතිලාභ ශ්‍රී ලංකාවේ ඇඟළුම නිෂ්පාදන සඳහා ලබා ගැනීමට නම් දේශීයව ගොතන ලද හෝ වියන ලද රෙදි අමුද්‍රව්‍ය වශයෙන් යොදා ගෙන නිමි ඇඳුම් නිෂ්පාදනය කළ යුතුව ඇති බවයි.
කෙසේ වෙතත් දේශීයව ගොතන ලද හෝ වියන ලද රෙදි නිෂ්පාදනය ප්‍රමාණවත් නොවීම හේතුවෙන් එක්සත් රාජධානියේ වෙළෙඳ යෝජනා ක්‍රමයේ වරණීය ප්‍රතිලාභ ප්‍රශස්ථ ලෙස ලබා ගැනීමට මෙරට ඇඟළුම නිෂ්පාදකයින්ට නොහැකි වී තිබෙනවා.
එසේ වුව ද, සංවර්ධනය වෙමින් පවතින රටවල් සඳහා වන වෙළෙඳ යෝජනා ක්‍රමයේ නිර්ණායක අනුව, වරණීය ප්‍රතිලාභ හිමි එක් කලාපීය කණ්ඩායමක රටක නිපදවනු ලබන යෙදවුම් / ද්‍රව්‍ය එවැනිම වරණීය ප්‍රතිලාභ හිමි තවත් කලාපීය කණ්ඩායමක රටක් විසින් නිෂ්පාදනය කරනු ලබන නිෂ්පාදනයකට අන්තර්ගත කළ විට ඒවා එකී අවසන් නිෂ්පාදනය කරනු ලබන රටෙහි නිමි ද්‍රව්‍යයක් ලෙස සලකනු ලැබීම සඳහා විධි විධාන ඇතුළත් වේ.
එමඟින් අදාළ දෙරටෙහිම අපනයන කරුවන්ට ප්‍රතිලාභ හිමි කර ගැනීමට හැකියාව පවතී.
ඒ අනුව, ශ්‍රී ලංකාව සහ ඉන්දුනීසියාව ඒකාබද්ධව අන්තර් කලාපීය සමුච්චනය පිළිබඳ විධි විධාන යොදා ගනිමින් එක් අයදුම් පත්‍රයක් ඉදිරිපත් කර ඇඟළුම් කර්මාන්තය සඳහා අවශ්‍ය රෙදි/අමුද්‍රව්‍ය ඉන්දුනීසියාවෙන් ලබා ගැනීමත්, ශ්‍රී ලංකාවේ නිමි ඇඳුම් එක්සත් රාජධානියට අපනයනය කිරීමත් මඟින් වරණීය ප්‍රතිලාභ රටවල් දෙකටම අත් කර ගැනීම පිණිස අවශ්‍ය පියවර ගැනීම සඳහා වෙළෙඳ, වාණිජ, ආහාර සුරක්ෂිතතා, සමුපකාර සංවර්ධන, කර්මාන්ත සහ ව්‍යවසායකත්ව සංවර්ධන අමාත්‍ය වශයෙන් අග්‍රාමාත්‍යවරිය ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.
