ආණ්ඩුව මත්ද්‍රව්‍ය මර්දන පෙන්නමින් ජනතාවගේ ගැටළු මඟ හරිනවා - කාවින්දගෙන් ආණ්ඩුවට චෝදනාවක්

රටේ සැබෑ ආර්ථික හා සමාජීය ගැටළුවලින් ජනතාවගේ අවධානය ඈත් කිරීමේ අරමුණින් වර්තමාන රජය මත්ද්‍රව්‍ය මර්දන ව්‍යාපාරය දියත් කර ඇති බවට චෝදනා කරමින් සමගි ජන බල ශක්ති සංවිධානය දැඩි විවේචනයක් එල්ල කර තිබේ.

සංවිධානයේ මූලස්ථානයේ පැවැත්වූ මාධ්‍ය හමුවකදී පාර්ලිමේන්තු මන්ත්‍රී කාවින්ද ජයවර්ධන මේ චෝදනාව ඉදිරිපත් කළේය. ඔහු වැඩිදුරටත් ප්‍රකාශ කළේ, මෙම රජය ජනතාවට ලබාදුන් ඕනෑම පොරොන්දුවක් ඉටු කර නොමැති බවත්, මහජන සුභසාධනය සඳහා කිසිදු යෝජනා ක්‍රමයක් හෝ ව්‍යාපෘතියක් ක්‍රියාත්මක නොකළ බවත් ය.

මාලිමා මන්ත්‍රීට වැඩ වරදී.. ලක්මාලිව සිහගත කරන්නට පැමිණිලි

"රජයේ ප්‍රධාන ප්‍රතිපත්ති සියල්ලම බොරු පොරොන්දු මත පදනම් වූවක්. ජනතාවගේ සැබෑ ගැටළු වන ආර්ථික අර්බුදය, රැකියා අවස්ථා හිඟය සහ ජීවන වියදම් ඉහළ යාම වැනි කරුණු ඉවත් කරමින්, මත්ද්‍රව්‍ය මර්දනය යන ජනප්‍රිය මාතෘකාව භාවිතා කරමින් ජනතාවගේ අවධානය වෙනස් කිරීමට උත්සාහ දරයි" යනුවෙන් ඔහු සඳහන් කළේය.

මෙම චෝදනාවලින් රජයේ විශ්වාසනීයත්වයට බලපෑමක් ඇති වනු ඇතැයි විශ්ලේෂකයන් පවසති. සමගි ජන බල ශක්තිය තවදුරටත් රජයෙන් ජනතාවගේ සැබෑ ගැටළු විසඳීමට පියවර ගන්නා ලෙස ඉල්ලීමක් කර තිබේ.

ගුරු සේවය වෙනුවෙන් බලන් හිටිය අයට සුබ ආරංචියක්

ගුරු සේවය වෙනුවෙන් බලන් හිටිය අයට සුබ ආරංචියක්