අවුරුදු බලා ගමේ ගිය, කොළඹ එන ඔබ සදහාම විශේෂ වාසියක් මෙන්න - අද සිට ක්‍රියාත්මකයි..

අළුත් අවුරුදු නිවාඩු සමය වෙනුවෙන් ගම්බිම් බලා ගිය ජනතාවට යළි කොළඹට පැමිණීමට විශේෂ බස් රථ සේවා අද(15) සිට ධාවනයට එක් කරන බව ලංකා ගමනාගමන මණ්ඩලය පැවසීය.

එහි ප්‍රකාශකයෙකු සඳහන් කළේ ඒ සඳහා අතිරේක බස් රථ 200 ක් පමණ ධාවනයට එක් කිරිමට නියමිතව ඇති බවය.

කොළඹ බලා පැමිණීමේ ගමන්වාර සඳහා පෞද්ගලික අංශයේ බස් රථ ද ධාවනයට එක් කර ඇති අතර ඉන්ධන ලබාදීමේ කටයුතු ලංකා ගමනා මණ්ඩලයේ ඩිපෝ හරහා සිදුකෙරෙන බව එම මණ්ඩලය පැවසීය.

මේ අතර දුම්රිය දෙපාර්තමේන්තු ප්‍රකාශ කළේ ගම් බිම් බලා ගිය ජනතාවට කොළඹ පැමිණීමට ලබන 17 වැනිදා සිට විශේෂ දුම්රිය කිහිපයක් ධාවනයට එක් කර ඇති බවය.