සමාජ මාධ්‍යයේ කැළඹු නාමල්ගේ ඉන්දීය සංචාරය ගැන මඩ ගහපු අයට වැඩ වරදී

ශ්‍රී ලංකා පොදුජන පෙරමුණේ (පොහොට්ටුව) නියෝජිත පසන් කස්තුරි මහතා විසින් අපරාධ පරීක්ෂණ දෙපාර්තමේන්තුවට  පැමිණිල්ලක් ඉදිරිපත් කර තිබේ.

මෙම පැමිණිල්ලේදී ඔහු කියා සිටින්නේ, ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා ඇතුළු විපක්ෂයේ මන්ත්‍රීවරුන් පිරිසකට සමාජ මාධ්‍ය හරහා මඩ ගැසීම් සහ අපහාසාත්මක ප්‍රචාරයක් සිදු කරන බවයි.

නාමල්ට ඉන්දියවේදී උණුසුම් පිළිගැනීමක්

විශේෂයෙන්, ඉන්දියාවේ ඔඩිෂා ප්‍රාන්තයේ උසස් අධ්‍යාපන ආයතනයක් විසින් ජනරජ දිනය සැමරුම් සඳහා සංවිධානය කළ උත්සවයකට නාමල් රාජපක්ෂ මහතා සම්බන්ධ වීම ඉලක්ක කරගෙන මෙම මඩ ප්‍රහාර එල්ල කර ඇති බව ඔහු පෙන්වා දෙයි. එය අවතක්සේරු කිරීමක් සහ වටිනාකමින් අඩු උත්සවයක් ලෙස ප්‍රචාරය කරමින්, ජාතික ජන බලවේග ආණ්ඩුවේ අධීක්ෂණය යටතේ සමහර පිරිස් මෙසේ ක්‍රියා කරන බවද ඔහුගේ පැමිණිල්ලේ සඳහන් වේ.

පසන් කස්තුරි මහතා මෙම පැමිණිල්ල ඉදිරිපත් කිරීමෙන් පසු මාධ්‍ය වෙත අදහස් දක්වමින් ප්‍රකාශ කළේ, එවැනි මඩ ගැසීම්වලට එරෙහිව නීතිය ක්‍රියාත්මක කරන ලෙස ඉල්ලා සිටිමින් තමා ඇතුළු කණ්ඩායම මෙසේ කටයුතු කරන බවයි.

මෙම සිද්ධිය සම්බන්ධයෙන් පොදුජන පෙරමුණේ පැත්තෙන් පෙරදීත් සමාජ මාධ්‍ය හරහා සිදුවන අසත්‍ය ප්‍රචාර සම්බන්ධයෙන් අපරාධ පරීක්ෂණ දෙපාර්තමේන්තු වෙත පැමිණිලි ඉදිරිපත් කර ඇති බව වාර්තා වේ. විමර්ශනයන් ආරම්භ වී ඇති බවට තහවුරු වී නොමැති නමුත්, මෙවැනි පැමිණිලි මගින් දේශපාලනික මඩ ගැසීම් සහ සමාජ මාධ්‍ය අපයෝජනයන්ට එරෙහිව නීතිමය පියවර ගැනීමේ ප්‍රවණතාවක් දක්නට ලැබේ.

රු.300 මිලියන පාඩුවේ හෙළිදරව්ව - අසංක සී.අයි.ඩි අධීක්ෂණයට

දේශපාලන උණුසුම් කරගෙන අද තීරණාත්මක දිනයක්? රනිල්ට එරෙහි නඩුව කැඳවයි