අසහනකරුට ලැබුණු නියම දඬුවම
Zara
ශ්‍රී ලංකන් ගුවන් යානයක සේවිකාවන් දෙදෙනෙකුට ලිංගික අඩත්තේට්ටම් කළ බව කියන සිද්ධිය සම්බන්ධයෙන් අත්අඩංගුවට ගත් සැකකරු රුපියල් ලක්ෂය බැගින්වූ ශරීර ඇප 2ක් මත මුදාහැර තිබෙනවා.
සැකකරු අද (12) කොළඹ ප්‍රධාන තනූජා ලක්මාලි හමුවට ඉදිරිපත් කිරීමෙන් අනතුරුව මෙම නියෝගය නිකුත් කෙරුනා. සැකකරුගේ විදෙස් ගමන් තහනම් කරන ලෙසට ද නියම කෙරුණු අතර, ස්විට්සර්ලන්තයේ හා ශ්‍රී ලංකාවේ ද්විත්ව පුරවැසි භාවය හිමි යාපනය ප්‍රදේශයේ පදිංචි කන්දයියා තුරේසිංහම් නැමැත්තා අද ඇපමත මුදාහැර තිබෙනවා.
අදාළ ගුවන්යානය අද අලුයම 12.45ට පමණ ඉන්දියාවේ මුම්බායි නුවර සිට කටුනායක ගුවන් තොටුපොළ දක්වා පියාසර කරමින් තිබියදී එම ගුවන් යානයේ සේවිකාවන් දෙදෙනෙකුට ලිංගික අඩත්තේට්ටම් සිදුකර සෙසු මඟීන්ට හිරිහැරයක් වන ආකාරයට හැසිරී තිබෙන බවට කරුණු අනාවරණයවීම හේතුවෙන් කටුනායක ගුවන්තොටුපොල පොලීසිය මෙලෙස අත්අඩංගුවට ගන්නට විය.
අත්අඩංගුවට ගත් සැකකාර පුද්ගලයා පොලිසිය විසින් වෛද්‍ය පරීක්‍ෂණයක් සඳහා ඉදිරිපත් කර ඇති බවත් සිද්ධිය වන අවස්ථාවේ සැකකාර පුද්ගලයා අධික ලෙස මත්පැන් පානය කර සිට ඇති බවත් වෛද්‍ය වාර්තා අනුව අනාවරණය වුණා.
