දුනිත් වෙල්ලාලගේගේ පෞද්ගලිකත්වයට ගරු කරන ලෙස මහේල මාධ්‍යයෙන් ඉල්ලයි

ශ්‍රී ලංකා ක්‍රිකට් කණ්ඩායමේ හිටපු නායක මහේල ජයවර්ධන මහතා, දුනිත් වෙල්ලාලගේගේ පියා වන සුරංග වෙල්ලාලගේගේ හදිසි අභාවයෙන් පසු, දුනිත් සහ ඔහුගේ පවුලේ ඥාතීන් වෙත ශෝකය පළ කර ඇත.

සමාජ මාධ්‍ය හරහා අදහස් දක්වමින් ජයවර්ධන මහතා පවසා ඇත්තේ,

“තම හදවත දුනිත් සහ ඔහුගේ පවුලේ අය වෙනුවෙන් ශෝක වන” බවත්, මෙම දුෂ්කර මොහොතේ ඔවුන්ගේ පෞද්ගලිකත්වයට ගරු කරන ලෙස මහජනතාවගෙන් සහ මාධ්‍යයෙන් ඉල්ලා සිටින බවත්ය.  

හීනවලට යද්දි දෙමව්පියෝ ළඟ නෑ කියන්නේ වේදනාවක්, ඒත් දුනිත් පුතේ තාත්තගේ හීන දිනවන්න - මහින්දගෙන් සටහනක්

“ඔවුන් අත්විඳින දේ මට සිතාගත හැකියි. ඒ වගේම ඔවුන්ට අවශ්‍ය පෞද්ගලිකත්වය ලබාදෙන ලෙස සෑම කෙනෙකුටම ආයාචනා කිරීමට කැමතියි. ඉතා හැඟීම්බර පෞද්ගලික මොහොතක සජීවී විස්තර විචාර අවශ්‍ය නැහැ” යනුවෙන් ඔහු සඳහන් කර ඇත.

දුනිත් වෙල්ලාලගේ, එක්සත් අරාබි එමීර් රාජ්‍යයේ පැවති ආසියානු කුසලාන තරගාවලියේ ජාතික රාජකාරියේ යෙදී සිටියදී තම පියාගේ අභාවය පිළිබඳ ආරංචිය ලැබීමෙන් පසු ඊයේ (18) ලංකාවට පැමිණ ඇත.

ශ්‍රී ලංකාවේ දීප්තිමත් තරුණ ක්‍රිකට් දක්ෂතාවයන්ගෙන් එකකු ලෙස ඉස්මතු වන 21 හැවිරිදි තුන් ඉරියව් ක්‍රීඩකයා වටා ක්‍රිකට් ප්‍රජාව සහ රසිකයන් එක්රැස් වන අතර, ජයවර්ධන මහතාගේ මෙම පණිවිඩය එම අවස්ථාවේදී පැමිණ තිබේ.

දුනියා මේ වෙලාවේ ඔයා ශක්තිමත් වෙන්න ඕනේ, පියාගේ වියෝව ගැන ක්‍රිකට් ලෝකෙම සංවේගය පළ කරයි

දුනිත් වෙල්ලාලගේගේ පියා අභාවප්‍රාප්ත වෙයි