ගම්පහ තවමත් අවදානම්

ගම්පහ තවමත් අ ගම්පහ දිස්ත්‍රික්කයේ අත්තනගලු ඔය ජල මට්ටම තවදුරටත් ඉහළ යමින් පවතින බව වාරිමාර්ග දෙපාර්තමේන්තුව සදහන් කරයි.

තවද එහි අධ්‍යක්ෂ, ඉංජිනේරු එල්. ඒ. සූරියබණ්ඩාර මහතා පවසා සිටියේ, ඊයේ (28) දිනය තුළ එම ප්‍රදේශයට මි.මී 300කට අධික වර්ෂාපතනයක් දූනමලෙයි ප්‍රදේශයට ඉහළ තැන්වලට ලැබී ඇති බවයි.

තවද අධ්‍යක්ෂවරයා සදහන් කළේ මේ වනවිට දූනමලෙයි ජල මිනුම් මධ්‍යස්ථානය උපරිම ස්ථානයට පැමිණ ඇති බවත් එම ස්ථානයත් යට වී ඇති බව‍යි එතුමා සදහන් කළේ මේ හේතුවෙන් ගම්පහ දිස්ත්‍රික්කයේ පහළ ප්‍රදේශය හා ගම්පහ නගරය මෙන්ම වත්තල, ජාඇළ වැනි ප්‍රදේශ තවදුරටත් ජලයෙන් ය වී ඇති බවයි.

ඒ වගේම තවදුරටත් ඉදිරි පැය 24 සඳහා අධි අවදානම් ගංවතුර ඇඟවීමක් මහ ඔය ද්‍රෝණිය සඳහා නිකුත් කර ඇති බවත් වාර්තා වේ.

ඒ වගේම වාරිමාර්ග දෙපාර්තමේන්තුව සඳහන් කළේ ගිරිඋල්ල සහ බඩල්ගම මිනුම් මධ්‍යස්ථානවලට අති දැවැන්ත ජල මට්ටමකට ළඟා වී ඇති බවයි.

තවද දිවුලපිටිය, අලව්ව, කටාන, මීරිගම, දංකොටුව, පන්නල, නාරම්මල, මීගමුව හා වෙන්නප්පු යන ප්‍රදේශවල පහත්බිම් යටවීමේ අවදානමක් පවතින බවයි.

ඒ වගේම ගංඟා ද්‍රෝණි කිහිපයක මේ වනවිට බරපතළ ගංවතුර තත්ත්වයක් පවතින බව වාරිමාර්ග දෙපාර්තමේන්තුව ප්‍රකාශ කර ඇත.

පවතින තත්වය හමුවේ ජනතාවට දැඩි විමසිල්ලෙන් කටයුතු කරන ලෙස දැනුම් දෙයි.