“අපි ට්‍රම්ප්ගේ ලෝකයේ ජීවත් වෙනවා” - රනිල්ගේ ප්‍රකාශය එක්කම දේශපාලනය උණුසුම් වෙයි

එක්සත් ජාතික පක්ෂය 'බුද්ධිමත්' හෝ ස්මාර්ට් දේශපාලනය වැළඳගත හැකි නව පරම්පරාවේ නායකත්වයකට සූදානම් වෙමින් සිටින බව පක්ෂ නායක හිටපු ජනාධිපති රනිල් වික්‍රමසිංහ මහතා පවසා ඇත.

පිටකොටුව සිරිකොත පක්ෂ මූලස්ථානයේදී පසුගියදා (04) 'SMART UNP' ඩිජිටල් වැඩසටහන ආරම්භ කරමින් ඔහු මෙම ප්‍රකාශය කළේය. මෙම වැඩසටහන හරහා එක්සත් ජාතික පක්ෂය ශ්‍රී ලංකාවේ පළමු ඩිජිටල් දේශපාලන පක්ෂය බවට පත්කිරීමට පියවර ගෙන ඇති අතර, එය තරුණ පරම්පරාව විශේෂයෙන් Gen Z සමඟ සම්බන්ධ වීමේ අරමුණින් ආරම්භ කර ඇත.

කොළඹ ආරක්ෂාව තර වෙයි.. සර්වඥ ධාතු වන්දනාවට එන සැදැහැවතුන්ට විශේෂ දැනුම්දීමක්

ප්‍රධාන ප්‍රකාශ කිහිපයක්:

• සිවිල් යුද්ධය අවසන් වීමෙන් පසු උපන් පරම්පරාව ගැන සිතීමට කාලය එළඹ ඇති බවත්, දේශපාලනය ඊළඟ පරම්පරාවට භාරදීමේදී UNP පෙරමුණ ගත යුතු බවත් ඔහු සඳහන් කළේය.
• දිවංගත ජනාධිපති ජේ.ආර්. ජයවර්ධන මහතා 'කෝටිපති පරම්පරාව' සකස් කළ බවත්, දැන් 'ෂෙන් ෂී' (Gen Z) පරම්පරාවට වගකීම් භාරදීමට සූදානම් විය යුතු බවත් ඔහු පැවසීය. (ඔහුගේ වයස 70 ඉක්මවා ඇති බැවින් පක්ෂය බාරදීමට කාලය හරි බවද ඔහු සඳහන් කළේය.)
• අපි ජේ.ආර්. ජයවර්ධනගේ යුගයේ නොසිටිමු; අපි ට්‍රම්ප්ගේ ලෝකයේ ජීවත් වෙමු. ඒ සමඟම චීනය ට්‍රම්ප්ට අභියෝග කරන ලෝකයකද ජීවත් වෙමු. ඉන්දියාව සුපිරි බලවතෙකු ලෙස නැගී එන කාලයකද අපි සිටිමු.
• බහු පක්ෂ ප්‍රජාතන්ත්‍රවාදය පවත්වාගෙන යාම සඳහා සියලු බලවේග එක්විය යුතු බවද ඔහු අවධාරණය කළේය.

ඔලුගල හදිස්සියේම රෝහල් ගතකරපු හේතුව මෙන්න..

මෙම 'SMART UNP' වැඩසටහන යටතේ සිරිකොත මූලස්ථානය ස්ටාර්ලින්ක් (Starlink) තාක්ෂණය ඔස්සේ අධිවේගී අන්තර්ජාලයෙන් සන්නද්ධ කර ඇති අතර, පක්ෂ සාමාජිකයින් සඳහා නව ඩිජිටල් සාමාජික කාඩ්පත් හඳුන්වාදීම, ඩිජිටල් පරිපාලකයින් (Digital Administrators) හා ඩිජිටල් සංවිධායකයින් (Digital Organizers) වැනි නව තනතුරු ඇතිකිරීම, වර්චුවල් රියැලිටි (Virtual Reality) වැනි නවීන තාක්ෂණයන් භාවිතයට ගැනීම ඇතුළු පියවර ගෙන ඇත. ඩිජිටල් වෝඩන් 1000කු පමණ පත්කිරීමද මෙහිදී සිදුව ඇත.

මෙම ඩිජිටල් පරිවර්තනය හරහා එක්සත් ජාතික පක්ෂය තරුණයන් සමඟ නව සම්බන්ධතා ගොඩනැගීමටත්, දේශපාලනයේ නව 'වයිබ්' එකට සම්බන්ධ වීමටත් බලාපොරොත්තු වන බව රනිල් මහතා ප්‍රකාශ කළේය. මෙය පක්ෂයේ අනාගතය සඳහා වැදගත් පියවරක් ලෙස සැලකේ.

අත්හිටුවූ Insta! - පරිශීලකයින් අතරමං