පද්මේ සමග පැටලුනු නිලියන් සහ නිරූපන ශිල්පිනියන් 05ක් ගැන විමර්ශන

කෙහෙල්බද්දර පද්මේ සමඟ රංගන සහ නිරූපණ ශිල්පිනියන් පස් දෙනෙකු පමණ සම්බන්ධතා පැවැත්වූ බව අපරාධ පරීක්ෂණ දෙපාර්තමේන්තුවේ විමර්ශනවලින් හෙළි වෙයි

කෙහෙල්බද්දර පද්මේගේ ජංගම දුරකථනය විශ්ලේෂණය කිරීමේදී ඔහු සමඟ එම ශිල්පිනියන් පස් දෙනා සම්බන්ධතා පවත්වා ඇති බව හඳුනාගෙන ඇත.

ඩුබායි සංචාරවලදී ඔවුන් සමඟ කෙහෙල්බද්දර පද්මේ රැඳී සිටි අවස්ථා කිහිපයකදී ඡායාරූප ගෙන ඇති බවත්, එම ඡායාරූප ඔහුගේ දුරකථනයෙන් හමුවූ බවත් අපරාධ පරීක්ෂණ දෙපාර්තමේන්තුව තොරතුරු හෙළි කළේය.

පද්මේ එක්ක පියුමි හංසමාලිගේ සම්බන්දෙ මොකක්ද? තවත් නිළියෝ පැටලෙන ලකුණු

ඒ අනුව, රංගන ශිල්පිනිය පියුමි හංසමාලිගෙන් පද්මේ සමඟ පැවති සම්බන්ධතාවය ගැන ප්‍රශ්න කර ප්‍රකාශ සටහන් ලබාගෙන ඇත. ඉදිරියේදී තවත් රංගන ශිල්පීන් කිහිප දෙනෙකුගෙන් මේ සම්බන්ධයෙන් ප්‍රශ්න කිරීමට නියමිත බව දෙපාර්තමේන්තුව පවසයි.

එක් ඡායාරූපයක් නිසා කැඳවන ලද පියුමි හංසමාලි ප්‍රකාශ කළේ, “කෙහෙල්බද්දර පද්මේ” ලෙස හඳුන්වන පාතාල චරිතය සමඟ තමන්ට කිසිදු සම්බන්ධතාවක් නැති බවත්, එවැනි චෝදනාවන් තරයේ ප්‍රතික්ෂේප කරන බවත්ය.

ෆේස්බුක් පෝස්ට් එකකින් ඇය පැහැදිලි කළේ, 2022 මාර්තු මාසයේ ඩුබායිහි අලුත් අවුරුදු උත්සවයකදී කෙහෙල්බද්දර පද්මේව එක් වරක් පමණක් මුණගැසී ඇති බවත්, එය අහම්බෙන් සිදුවූ හමුවීමක් බවත්ය.

“මම මුලින්ම මේ පුද්ගලයාව ඔහුගේ බිරිඳ සහ දරුවන් සමඟ එම උත්සවයේදී දැක්කා. ඔවුන් මා සමඟ ඡායාරූපයක් ගත්තා. ඔහු වඩාත් ආකර්ශනීය වෙන්න කැමති බව කිව්වා. මම ඔහුට මගේ පියුමි සම නිෂ්පාදන භාවිතා කරන්න කිව්වා,” ඇය ලිවීය. දැන් පද්මේ ඉතා ආකර්ශනීය පෙනුමක් ඇති නිසා, ඇගේ නිෂ්පාදන භාවිතා කර ඇති බව හංසමාලි සත්‍යයක් ලෙස සඳහන් කළාය.

පද්මේ සමඟ ඇය කිසිවිටෙකත් කිසිදු මූල්‍ය ගනුදෙනුවකට සම්බන්ධ වී නැති බව පියුමි හංසමාලි අවධාරණය කළාය.

“CID එක ඇහුවා මම එයා එක්ක කිසිම මූල්‍ය ගනුදෙනුවක් කරලා තියෙනවද කියලා – කවදාවත් නැහැ! මට මත්ද්‍රව්‍ය මුදල්, නීති විරෝධී මුදල් හෝ කළු සල්ලි අවශ්‍ය නැහැ. මම මගේ ව්‍යාපාරය වන පියුමි ස්කින් ප්‍රයිවට් ලිමිටඩ් ගොඩනඟා ගත් ස්වාධීන කාන්තාවක්,” ඇය කීවාය.  

පද්මේ මට කීවා එයාටත් ලස්සන වෙන්න ඕනි කියලා - පියුමි පද්මෙ එක්ක තිබ්බ පලහිලව්ව වමාරයි