එස් එම් චන්ද්‍රසේනගේ ලේකම්ගේ ඉල්ලීම බන්ධනාගාරයෙන් ප්‍රතික්ෂේපයට

රක්ෂිත බන්ධනාගාරගත කර සිටින හිටපු අමාත්‍ය එස් එම් චන්ද්‍රසේන මහතාගේ පාර්ශවයෙන් කළ ඉල්ලීමක් බන්ධනාගාර බලධාරීන් විසින් ප්‍රතික්ෂේප කර ඇත.

එම ඉල්ලීම වූයේ හිටපු අමාත්‍යවරයාට පිටතින් ආහාර ලබාදීමට අවසර ලබා ගැනීමයි. බන්ධනාගාර ආරංචි මාර්ග පවසන පරිදි, මෙම ඉල්ලීම සිදුකර ඇත්තේ එස් එම් චන්ද්‍රසේන මහතාගේ හිටපු ලේකම්වරයෙකු විසිනි.

එහෙත්, බන්ධනාගාර රෙගුලාසිවලට අනුව, රැඳවියෙකුට පිටතින් ආහාර ලබා ගැනීමට අවසර ඉල්ලීමක් සිදුකළ යුත්තේ එම රැඳවියාගේ පවුලේ සමීපතමයෙකු විසිනි. මෙම හිටපු ලේකම්වරයා පවුලේ සමීපතමයෙකු නොවන බැවින්, එම ඉල්ලීම බන්ධනාගාර බලධාරීන් විසින් ප්‍රතික්ෂේප කර ඇත.

අද ලග්න පලාපල – 2025 ජූලි 06 | ඔබේ ලග්නය අනුව අද වෙනසක් සිදුවෙයිද? දැන්ම බලන්න

බන්ධනාගාර ආරංචි මාර්ග වැඩිදුරටත් පවසන්නේ, පවුලේ සමීපතමයෙකු විසින් එවැනි ඉල්ලීමක් සිදුකළහොත් එය සලකා බැලීමට බන්ධනාගාර බලධාරීන් සූදානම් බවයි.

එතෙක්, හිටපු අමාත්‍යවරයාට බන්ධනාගාරය විසින් සපයන ආහාර ලබා ගැනීමට සිදුවනු ඇත. වත්මන් වශයෙන්, හිටපු අමාත්‍ය එස් එම් චන්ද්‍රසේන මහතා කොළඹ රිමාන්ඩ් බන්ධනාගාරයේ එම් වාට්ටුවේ රඳවා සිටින අතර, එහි රජයේ නිලධාරීන් ඇතුළු විවිධ චෝදනා යටතේ රක්ෂිත බන්ධනාගාරගතව සිටින පිරිසක් ද රඳවා සිටී.

පසුගිය ජුලි 4 වැනිදා අල්ලස් හෝ දූෂණ චෝදනා විමර්ශන කොමිෂන් සභාව (CIABOC) විසින් අත්අඩංගුවට ගනු ලැබූ එස් එම් චන්ද්‍රසේන මහතා, අධිකරණය හමුවට ඉදිරිපත් කිරීමෙන් පසු, ලබන 18 වැනිදා දක්වා රක්ෂිත බන්ධනාගාරගත කෙරිණි.

මධ්‍යම පන්තිය නිසයි මේ ප්‍රශ්ණ - අමාත්‍ය චතුරංග අබේසිංහ

මෙම චෝදනාව 2014 වසරේ අනුරාධපුර දිස්ත්‍රික්කයේ දිළිඳු ගොවීන් සඳහා සහනදායි මිල ගණන් යටතේ බෙදා හැරීමට රුපියල් මිලියන 25ක මුදලකින් මිලදී ගත් බඩ ඉරිඟු බීජ, නීත්‍යානුකූල ක්‍රමවේදයට පටහැනිව, එම වසරේ පැවති ජනාධිපතිවරණයේදී තමන්ට වාසිදායක ලෙස හිතවතුන් හා ආධාරකරුවන් අතර බෙදා හැරීම හේතුවෙන් දූෂණයේ චෝදනාවට ලක්වීම සම්බන්ධයෙන් ය.

අත්අඩංගුවට ගැනීමෙන් පසු එදිනම පස්වරුවේ කොළඹ රිමාන්ඩ් බන්ධනාගාරය වෙත රැගෙන එනු ලැබූ හිටපු අමාත්‍යවරයා, එම් වාට්ටුවේ රඳවා ඇති බව බන්ධනාගාර ආරංචි මාර්ග පවසයි.

බන්ධනාගාර වෛද්‍යවරුන් විසින් ඔහුගේ සෞඛ්‍ය තත්ත්වය පරීක්ෂා කර ඇති අතර, එහිදී ඔහුගේ සෞඛ්‍ය තත්ත්වය යහපත් බව අනාවරණය වී ඇත. ඒ අනුව, හිටපු අමාත්‍ය එස් එම් චන්ද්‍රසේන මහතා තවදුරටත් කොළඹ රිමාන්ඩ් බන්ධනාගාරයේ එම් වාට්ටුවේ රඳවා තබා ඇති බව බන්ධනාගාර ආරංචි මාර්ග සඳහන් කළේය.

මේ පැති වලට හෙට පැය 12ක ජල කප්පාදුවක්