ගොවි ජනතාවට සුභ ආරංචියක්

ආපදාවෙන් සම්පූර්ණයෙන්ම හානි වූ ගොවීන් සංඛ්‍යාව, කෘෂිකාර්මික ඉඩම් ප්‍රමාණය සහ අවශ්‍ය අරමුදල් පිළිබඳ වාර්තාවක් ලබන සිකුරාදාට පෙර ඉදිරිපත් කරන ලෙස ජනාධිපතිවරයා උපදෙස් දී තිබේ.

යටිතල පහසුකම් සංවර්ධනය සඳහා ක්‍රියාත්මක කරන ලද ව්‍යාපෘති සමාලෝචනය කිරීම සඳහා අද (2025.12.07) උදෑසන අනුරාධපුර දිස්ත්‍රික් ලේකම් කාර්යාලයේ පැවති විශේෂ සම්බන්ධීකරණ කමිටු රැස්වීමකදී ඔහු මේ බව පැවසීය.

රජයේ සේවකයන්ට විශේෂ දීමනාවක්

තවද, ගංවතුරෙන් හානි වූ අනුරාධපුර දිස්ත්‍රික්කයේ මහා පරිමාණ වී වගාව සඳහා සූදානම් වන ලෙස ජනාධිපති අනුර කුමාර දිසානායක නිලධාරීන්ට උපදෙස් දී තිබේ. මෙම වන්දි මුදල සාධාරණ ලෙස ලැබිය යුතු බවත් කිසිවෙකුට එය අසාධාරණ ලෙස නොලැබිය යුතු බවත් ඔහු පෙන්වා දුන්නේය.

ගොවීන් තුළ විශ්වාසය ඇති කර වගා කටයුතු නැවත ආරම්භ කිරීමට ඔවුන් දිරිමත් කරන ලෙස ජනාධිපතිවරයා නිලධාරීන්ට උපදෙස් දුන් අතර, රජය මෙම වන්දි මුදල ගොවීන්ට ලබා දීමට අනිවාර්යයෙන්ම පියවර ගන්නා බව පැවසීය.

පාසල් විවෘත කරන දිනය මෙන්න

හානියට පත් මාර්ග නැවත විවෘත කිරීමේ සැලැස්ම පිළිබඳව විමසූ ජනාධිපතිවරයා, ස්ථිර මාර්ග සංවර්ධන සැලසුම් ක්‍රියාත්මක කරන තෙක් තාවකාලික ප්‍රතිසංස්කරණ කටයුතු කඩිනම් කළ යුතු බවත් ජනතාවගේ ප්‍රවාහන අවශ්‍යතා සපුරාලීමට පියවර ගත යුතු බවත් පෙන්වා දුන්නේය.